Update: តុលាការសម្រេច ដាក់គុក ជនសង្ស័យដែលបង្កើតគណនី តេលេក្រាមក្លែងក្លាយ ឆាតទៅសុំខ្ចីលុយពីឯកឧត្តមអភិបាលខេត្តកណ្តាល

ខេត្តកណ្តាល ៖ ជនសង្ស័យ ម្នាក់ដែល (បង្កើតគណនីតេលេក្រាមក្លែងក្លាយ) កាលពីថ្ងៃទី១០ ខែកញ្ញា ឆ្នាំ២០២៣ ត្រូវ តុលាការចេញដីកាឃុំខ្លួន នៅពន្ធនាគា ខេត្តកណ្តាលហើយ។

បើយោងតាម ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តកណ្តាល មានកិត្តិយសសូមជម្រាបជូនសាធារណជនឲ្យបានជ្រាបថា៖ បុគ្គលឈ្មោះ ងន យឿន ហៅម៉ាប់ ភេទប្រុស អាយុ២៤ឆ្នាំ មុខរបរមិនពិតប្រាកដ ឃាត់ខ្លួននៅព្រឹកថ្ងៃទី១១ ខែកញ្ញា ឆ្នាំ២០២៣ ចំណុចភូមិដំណាក់ធំ សង្កាត់បឹងទំពន់ ខណ្ឌមានជ័យ រាជធានីភ្នំពេញ។ ក្នុងករណី ឆបោក ដើរតួជាលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល ឆាតទៅសុំខ្ចីលុយពីឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្តាល។នៅព្រឹកថ្ងៃទី១៣ ខែកញ្ញា ឆ្នាំ២០២៣ បុគ្គលរូបនេះ ត្រូវបានតុលាការសម្រេចឃុំខ្លួន បញ្ជូនទៅពន្ធនាគារខេត្តកណ្តាល រួចហើយ។

អាស្រ័យហេតុនេះ សូមសាធារណជនមេត្តាជ្រាបជាព័ត៌មាន៕