លោក សូ រតនៈ នាំយកអំណោយដ៏ថ្លៃថ្លា របស់សម្តេចធិបតីហ៊ុន ម៉ាណែត និងលោកជំទាវ ចែកជូនប្រជាពលរដ្ឋដែលពិការភាព និងខ្វះខាតចំនួន៣គ្រួសារ នៅស្រុកទឹកផុស

October 23, 2023 ព័ត៌មានជាតិ

កំពង់ឆ្នាំង៖ កាលពីថ្ងៃអាទិត្យទី២២ ខែតុលា ឆ្នាំ២០២៣នេះ លោក សូ រតនៈ ប្រធានយុវជនការពារសន្តិភាព រួមទាំងក្រុមការងារសាខាខេត្តកំពង់ឆ្នាំង បានសហការជាមួយអាជ្ញាធរមូលដ្ឋាន នាំយកអំណោយដ៏ថ្លៃថ្លារបស់សម្តេចធិបតីហ៊ុន ម៉ាណែត និងលោកជំទាវបណ្ឌិត ចែកជូនប្រជាពលរដ្ឋ ដែលពិការភាព និងខ្វះខាតចំនួន៣គ្រួសារ ស្ថិតនៅភូមិអលង្លែរ ឃុំអភិវឌ្ឍន៌ ស្រុកទឹកផុស ខេត្តកំពង់ឆ្នាំង។

ប្រជាពលរដ្ឋក្នុង១គ្រួសារៗទទួលបានរួមមាន៖
-អង្ករ ១បេ
-មី ១កេស
-ទឹកត្រី ១យួរ
-ទឹកសុីអុីវ ១យួរ
-ថវិការ ៤មុឺនរៀល។

សូមបញ្ជាក់ផងដែរថា ក្នុងចំណោម៣គ្រួសារខាងលេី មាន១គ្រួសារជាជនពិការ គាត់ទទួលបានរទេះជនពិការ បន្ថែម១គ្រឿងផងដែរ។ ក្រោយពីបានចែកជូននូវអំណោយរួច ប្រជាពលរដ្ឋទាំង៣គ្រួសារ និងអាជ្ញាធរ សូមគោរពអរគុណ និងជូនពរដល់សម្តេចធិបតីហ៊ុន ម៉ាណែត នាយករដ្ឋមន្ត្រីកម្ពុជា និងលោកជំទាវបណ្ឌិតពេជ ចន្ទមុន្នី សូមជួបប្រទះនូវពុទ្ធពរ៤ប្រការគឺ៖ អាយុ វណ្ណៈ សុខៈ ពលៈ កុំបីឃ្លៀងឃ្លាតឡេីយ៕ដោយ៖ ឈឹម សុខន