ឧបនាយករដ្ឋមន្ត្រី ស សុខា ៖មន្ត្រីនគរបាលរូបណាប្រព្រឹត្តល្មើសវិន័យ នឹងបញ្ជូនទៅធ្វើការនៅតាមព្រំដែន ចាប់ពី៣ ទៅ៦ខែ

ភ្នំពេញ៖ លោកឧបនាយករដ្ឋមន្ត្រី ស សុខា រដ្ឋមន្ត្រីក្រសួងមហាផ្ទៃ នៅថ្ងៃទី១៧ ខែមីនា ឆ្នាំ២០២៥ នេះ បានណែនាំឱ្យបញ្ជូនទៅធ្វើការនៅព្រំដែនតែម្ដង ចាប់ពី៣ទៅ៦ខែ រាល់មន្ត្រីនគរបាលរូបណាប្រព្រឹត្តល្មើសវិន័យ។ ការណ៍នេះមានន័យថា អង្គភាពជំនាញ នឹងសម្រេចបញ្ជូនជំនួសឱ្យការបន្ថយស័ក្ដិ ហើយករណីខ្លះបន្ថយទាំងស័ក្ដិ និងថែមទាំងបញ្ជូនទៅព្រំដែន។

លោកឧបនាយករដ្ឋមន្ត្រី ស សុខា បានលើកឡើងយ៉ាងដូច្នេះថា៖ “បានធ្វើការស្រួលនៅតាមអង្គភាព មិនខិតខំធ្វើឱ្យល្អទេ បែរជាទៅបង្ករឿងល្មើសវិន័យ! ដូច្នេះមានតែឱ្យទៅព្រំដែន ដើម្បីដឹងថាកងកម្លាំងនៅទីនោះគាត់លំបាកកម្រិតណា មកវិញកែប្រែខ្លួន ហើយខិតខំធ្វើការឱ្យបានល្អ”៕SRN