Breaking News

រថយន្តព្រូស បើកគេចពីម៉ូតូទៅបុកចូលកន្លែងបញ្ញើឥវ៉ាន់របស់ក្រុមហ៊ុន កាពីតូល រងការខូចខាត

     ភ្នំពេញ ៖ បុរស​ម្នាក់​បានបេីក​រថយន្ដ តូយូតា ព្រូស​ មួយគ្រឿងគេច​ពីម៉ូតូ​ជិះកាត់ពីមុខក៏រ៉េ​ចង្កូត​បុក​ចូលកន្លែង​បញ្ញើឥវ៉ាន់​របស់​ក្រុម​ហ៊ុន កាពីតូល​ បណ្ដាលឲ្យឥវ៉ាន់ភ្ញៀវ និងសម្ភារៈមួយចំនួនរងការខូចខាត កាលពីវេលា​ម៉ោង​១០ និង១០នាទី​យប់​ ថ្ងៃ​ទី​០៤​ ខែ​សីហា​ ឆ្នាំ​២០២២ ស្ថិតនៅតាម​បណ្ដោយ​ផ្លូវ១៩៩​ កែង​ផ្លូវ​៣១០​ ក្នុង​សង្កាត់​ទួលស្វាយព្រៃ​ទី​១​ ខណ្ឌ​បឹងកេងកង​ រាជធានី​ភ្នំពេញ​ ។

      តាមសម្ដីបុរសម្នាក់ជាតៃកុងរថយន្តបង្កម៉ាក តូយូតា ព្រូស ពណ៌​ស​ ពាក់ស្លាកលេខ​ ភ្នំពេញ​ 2U-3731បានប្រាប់ឲ្យដឹងថា មុនពេលកើតហេតុ រូបគាត់បានបើករថយន្តតាមបណ្ដោយផ្លូវ១៩៩ ទិសដៅពីជើងមកត្បូងក្នុងល្បឿនលឿនល្មម ខណៈមកដល់ផ្លូវបំបែកជាបួន ស្រាប់តែមានម៉ូតូមួយគ្រឿងមិនចាំម៉ាក ជិះឆ្លងកាត់ទទឹងផ្លូវពីមុខរថយន្តបង្ក ធ្វើឲ្យរូបគាត់រ៉េចង្កូតថយន្តឡើងខឿនផ្លូវទៅបុកចូលកន្លែងបញ្ញើឥវ៉ាន់របស់ក្រុមហ៊ុន កាពីតូល បណ្ដាលឲ្យឥវ៉ាន់របស់ភ្ញៀវ និងសម្ភារៈមួយចំនួនរងការខូចខាតយ៉ាងដំណំ តែមិនបង្កគ្រោះថ្នាក់ដល់មនុស្សណាម្នាក់ឡើយ ។

        ក្រោយកើតហេតុភ្លាមៗ សមត្ថកិច្ចមូលដ្ឋានបានចុះមកដល់ ដោយពិនិត្យឃើញថា រថយន្តបង្កខាងលើមិនបានធ្វើឲ្យខូចខាតដល់សម្បត្តិរដ្ឋ ទើបឲ្យភាគីរថយន្តបង្ក ដោះស្រាយជាមួយភាគីរងគ្រោះរបស់ក្រុមហ៊ុន កាពីតូល ដើម្បីបញ្ចប់រឿងនៅនឹងកន្លែងកើតហេតុតែម្ដង ៕

Check Also

អាជ្ញាធររាជធានីភ្នំពេញ ណែនាំឱ្យកម្លាំងសមត្ថកិច្ចខណ្ឌទាំង១៤ បន្តបង្ក្រាបក្មេងទំនើងឱ្យដល់ឫសគល់ ដើម្បីធានាថា ក្នុងមូលដ្ឋានរបស់ខ្លួនមិនមានក្មេងទំនើង

Leave a Reply

Your email address will not be published. Required fields are marked *