ឯកឧត្តម​ គង់​ សោភ័ណ្ឌ​ អភិបាលខេត្ត​កណ្ដាល៖លោកស្រី មាន​ សុ​ទ្ធី ប្រធាន​ការិយាល័យ​ភូមិបាល​ស្រុក​មុខកំពូល ​ត្រូវ​ពន្លឿ​ន និង​មិនត្រូវ​មាន​ការយឺតយ៉ាវ ស្វិត​ស្រពន់​ត្រូវ​បម្រើ​ប្រជាពលរដ្ឋ​ឲ្យ​តាម​តម្រូវការ​

កណ្ដាល​៖ កាលពី​ថ្ងៃទី​១៣ ខែ​ធ្នូ ឆ្នាំ​២០២៣ ឯកឧត្តម​គង់​សោភ័ណ្ឌ​ អភិបាល​នៃ​គណៈ​អភិបាលខេត្ត​កណ្ដាល បាន​អញ្ជើញ​ចូលរួម​ពិធី​ចែក​វិញ្ញាបនបត្រ​សម្គាល់​អចលនវត្ថុ​ចំនួន ០១​ភូមិ ជូន​ប្រជាពលរដ្ឋ ស្ថិតនៅ​ភូមិ​លេ​ី ឃុំ​ព្រែក​អញ្ចាញ ស្រុក​មុខកំពូល ខេត្ត​កណ្តាល ​បាន​មានប្រសាសន៍​ អោយលោកស្រី​ មាន សុ​ទ្ធី ប្រធាន​ភូមិបាល​ស្រុក​មុខកំពូល​ ត្រូវ​ពន្លឿ​ន និង​មិនត្រូវ​មាន​ការយឺតយ៉ាវ ស្វិត​ស្រពន់​ត្រូវ​បម្រើ​ប្រជាពលរដ្ឋ​ឲ្យ​តាម​តម្រូវការ​។​

ក្នុងពិធីនេះដែរមាន​ការអញ្ជើញ​ចូលរួម​ពី មេបញ្ជាការ​កងកម្លាំង​ទាំង​បី​ខេត្ត នាយករង​រដ្ឋ​ខេត្ត នាយ​ទីចាត់ការ​ចំណុះ​ខេត្ត ប្រធាន​មន្ទីរ​ពាក់ព័ន្ធ​ជុំវិញ​ខេត្ត លោក លោកស្រី ក្រុមប្រឹក្សា​ស្រុក គណៈ​អភិបាលស្រុក នាយក នាយករង​រដ្ឋបាល​ស្រុក ប្រធាន អនុប្រធាន ការិយាល័យ​ជំនាញ អង្គភាព​ជុំវិញ​ស្រុក កងកម្លាំង​ទាំង​បី​ស្រុក លោក លោកស្រី មេឃុំ​គ្រប់​ឃុំ នាយក នាយិកា សាលា​គ្រប់​កម្រិត ប​ប្រធាន​មណ្ឌល​សុខភាព​ឃុ​យុវជ​នកាយ​រិទ្ធ អាជ្ញាធរ​ពាក់ព័ន្ធ និង​ជា​ប្រពល​រដ្ឋ​ម្ចាស់​ក្បាលដី សរុប​ប្រមាណ ៦៣០​នាក់​។​

សូមបញ្ជាក់ផងដែរថា ស្រុកមុខកំពូល បានបិទបញ្ចប់ការងារចុះបញ្ជីដីធ្លីជា លក្ខណៈប្រព័ន្ធ ចំនួន ៣ឃុំ គឺឃុំរកាកោងទី១ ,ឃុំរកាកោងទី២ ,និងឃុំសំបួរមាស និងបានធ្វើការចែកប័ណ្ណ ជូនប្រជាពលរដ្ឋ សរុបចំនួន ១៦លើក ស្មើនឹង ២០,៧៥០ប័ណ្ណ និងកំពុងបន្តអនុវត្តលើការចុះបញ្ជីដី ក្នុងឃុំចំនួន៤ ទៀត គឺ ឃុំព្រែកអញ្ចាញ ,ឃុំឫស្សីជ្រោយ ,ឃុំព្រែកដំបង និងឃុំស្វាយអំពារ៕ដោយ៖ សិរី នាគ