សម្តេចកិត្តិព្រឹទ្ធបណ្ឌិត​ ដឹកនាំកិច្ចប្រជុំគណ:កម្មាធិការកណ្តាលកាកបាទក្រហមកម្ពុជា​

ភ្នំពេញ៖ សម្តេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុនសែន​ ប្រធានកាកបាទក្រហមកម្ពុជា​ បានអញ្ជេីញដឹកនាំកិច្ចប្រជុំគណ:កម្មាធិការកណ្តាលកាកបាទក្រហមកម្ពុជា​ ដោយមានការអញ្ជើញចូលរួមពី សម្ដេចមហាមន្ត្រី​ គុយ​ សុផល​ អនុប្រធាន, លោកជំទាវបណ្ឌិត​ ពេជ​ ចន្ទមុន្នី​ ហ៊ុនម៉ាណែត​ អនុប្រធានអចិន្ត្រៃយ៍​, ឯកឧត្តម លោកជំទាវ​ លោកអ្នកឧកញ៉ា សមាជិកគណៈកម្មាធិការកណ្តាល និងថ្នាក់ដឹកនាំអគ្គលេខាធិការដ្ឋាន​ ប្រធាននាយកដ្ឋានទាំង៥​ ក្រុមប្រតិបត្តិ សរុបចំនួន ២៨រូបនៅទីស្នាក់កណ្តាលកាកបាទក្រហមកម្ពុជាក្នុងរាជធានីភ្នំពេញ​ នារសៀលថ្ងៃចន្ទ​ ទី១៦​ ខែធ្នូ​ ឆ្នាំ២០២៤​

កិច្ចប្រជុំគណៈកម្មាធិការកណ្តាលកាកបាទក្រហមកម្ពុជាផ្តោតសំខាន់លេីរបៀបវារៈ៖

១.​ ឆ្លងសេចក្តីព្រាងរបាយការណ៍បូកសរុបសកម្មភាពឆ្នាំ២០២៤ និងទិសដៅការងារឆ្នាំ២០២៥

២. ឆ្លងសេចក្តីព្រាងរបាយការណ៍ចំណូល-ចំណាយឆ្នាំ២០២៤

៣.​ ស្នើសុំការអនុម័តរបាយការណ៍ឆ្នាំ២០២៤ ទិសដៅឆ្នាំ២០២៥ និងផែនការថវិកាសម្រាប់ ចំណាយជាអាទិភាពឆ្នាំ២០២៥

៤. បញ្ហារផ្សេងៗ ៕