SRNTV TV ONLINE CAMBODIA
ភ្នំពេញ ៖ យុវជនប្រុសស្រីបីនាក់បានរងរបួសធ្ងន់និងស្រាល ខណៈដែលជិះម៉ូតូមួយគ្រឿងក្នុងល្បឿនលឿនជ្រុលទៅបុកនិងរថយន្តកំពុងបើកឆ្លងផ្លូវចូលក្នុងបុរីយ៉ាងពេញទំហឹងកាលពីវេលាម៉ោង១២ និង១០នាទីយប់រំលងអធ្រាត្រ ឈានចូលថ្ងៃទី១០ ខែធ្នូ ឆ្នាំ២០២២ ស្ថិតនៅតាមបណ្ដាលផ្លូវ២០០៤ ក្នុងសង្កាត់អូរបែកក្អម ខណ្ឌសែនសុខ រាជធានីភ្នំពេញ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តមួយគ្រឿងម៉ាកFordពណ៍ស ពាក់ផ្លាកលេខភ្នំពេញ2BI 4868បើកបរដោយបុរសម្នាក់ធ្វើដំណើរតាមបណ្ដោយផ្លូវ 2004 ក្នុងទិសដៅពីកើតមកលិច លុះមកដល់ត្រង់ចំណុចកើតហេតុមុខបុរីអូគីដេបានបត់ឆ្វេងដៃឆ្លងផ្លូវចូលក្នុងបុរីស្រាប់តែមានម៉ូតូមួយគ្រឿងម៉ាកម៉ាក់ស៊ុយសុគីនិចណណ៍សលាយខ្មៅពាក់ស្លាកលេខភ្នំពេញ1BX 7737បើកបរដោយយុវជនម្នាក់នឹងរួមដំណើរដោយយុវជនប្រុសស្រីពីនាក់ទៀតរួមដំណើរតាមបណ្ដោយផ្លូវ២០០៤ទិសដៅពីលិចទៅកើត ក្នុងល្បឿនលឿន ក៏ជ្រុលទៅបុកចំក្បាលរថយន្តពេញទំហឹងបណ្ដាលឲ្យភាគីខាងម៉ូតូ៣នាក់រងរបួសធ្ងន់ និងស្រាល ចំណែកម៉ូតូនិងរថយន្តរងការខូចខាតយ៉ាងដំណំ។
ក្រោយកេីតហេតុភ្លាមៗ ជនរងគ្រោះត្រូវបានរថយន្តសាមុយដឹនយកទៅសង្គ្រោះនៅឯមន្ទីរពេទ្យ ។ ចំណែករថយន្តនិងម៉ូតូក៏ត្រូវបានសមត្ថកិច្ចមូលដ្ឋានសហការជាមួយសមត្ថកិច្ចជំនាញចរាចរណ៍ នៃស្នងការដ្ឋាននគរបាលរាជធានីភ្នំពេញ ចុះមកធ្វើវាស់វែងយករថយន្តនិងម៉ូតូទៅរក្សាទុករង់ចាំធ្វើការដោះគ្នានៅពេលក្រោយ ៕
