ឯកឧត្តម ជឺ សុខ និងឯកឧត្តម លាវ ស្រេង ផ្ញើសារអបអរសាទរឯកឧត្តម សំ ប្រជាមានិត ដែលត្រូវបានតែងតាំង ផ្តល់ឋានៈ និងបុព្វសិទ្ធិជាអគ្គលេខាធិការ នៃអគ្គលេខាធិការដ្ឋាន នៃឧត្តមក្រុមប្រឹក្សា នៃអង្គចៅក្រម មានឋានៈ និងបុព្វសិទ្ធិស្មើរដ្ឋមន្ត្រី

កណ្តាល៖ ឯកឧត្តមជឺ សុខ ប្រធានសាលាដំបូង និងឯកឧត្តមលាវ ស្រេង ព្រះរាជអាជ្ញា នៃអយ្យការអមសាលាដំបូងខេត្តកណ្ដាល ព្រមទាំមន្ត្រីរាជការ នៃសាលាដំបូងនិងអយ្យការអមសាលាដំបូងខេត្តស្វាយរៀង ផ្ញើសារជូនពរ និងអបអរសាទរ ជូនដល់ឯកឧត្តម សំ ប្រជាមានិត ដែលត្រូវបានព្រះមហាក្សត្រ​ត្រាស់បង្គាប់តែងតាំង ផ្តល់ឋានៈ និងបុព្វសិទ្ធិជាអគ្គលេខាធិការ នៃអគ្គលេខាធិការដ្ឋាន នៃឧត្តមក្រុមប្រឹក្សា នៃអង្គចៅក្រម មានឋានៈ និងបុព្វសិទ្ធិស្មើរដ្ឋមន្ត្រី។

ឱកាសដ៏វិសេសវិសាលនេះ យើងខ្ញុំទាំងអស់គ្នាសូមបួងសួងដល់វត្ថុស័ក្តិសិទ្ធិទាំងឡាយក្នុងលោក តាមជួយបីបាច់ថែរក្សា ប្រោះព្រំ ប្រទានពរជ័យវិបុលសុខគ្រប់ប្រការជូនដល់ ឯកឧត្តម និងលោកជំទាវ ព្រមទាំងក្រុមគ្រួសារ សូមទទួលបាននូវសុខភាព ល្អបរិបូណ៌ កម្លាំងខ្លាំងក្លា ប្រាជ្ញាឈ្លាសវៃ សម្រេចបានជោគជ័យគ្រប់ភារកិច្ច ដើម្បីរួមចំណែកដឹកនាំវិស័យយុត្តិធម៌កាន់តែប្រសើរឡើង ក្រោមការដឹកនាំរបស់រាជរដ្ឋាភិបាលកម្ពុជា និងសូមប្រកបដោយពុទ្ធមង្គលទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

សូមបញ្ជាក់ផងដែរថា នៅថ្ងៃទី៧ ខែមិថុនា ឆ្នាំ២០២៤ ព្រះករុណា ព្រះបាទ សម្តេច ព្រះបរមនាថ នរោត្តម សីហមុនី ព្រះមហាក្សត្រកម្ពុជា បានចេញព្រះរាជក្រឹត្យ ត្រាស់បង្គាប់តែងតាំង ផ្តល់ឋានៈ និងបុព្វសិទ្ធិដល់ឯកឧត្តម សំ ប្រជាមានិត ជាអគ្គលេខាធិការ នៃអគ្គលេខាធិការដ្ឋាន នៃឧត្តមក្រុមប្រឹក្សានៃអង្គចៅក្រម មានឋានៈ និងបុព្វសិទ្ធិស្មើរដ្ឋមន្ត្រី៕ដោយ៖ សិរី នាគ