សមត្ថកិច្ចឃាត់ខ្លួនអ្នកកាសែតម្នាក់ ក្រោយ live ប្រមាថព្រះមហាក្សត្រ

កំពង់ស្ពឺ៖ បុរសម្នាក់ដែលគេដឹងថាជាអ្នកកាសែតបម្រើការងារនៅក្នុងអង្គភាពសារព័ត៌មាន(អ្នកមើលផ្លូវ) ត្រូវបានសមត្ថកិច្ចឃាត់ខ្លួន ក្រោយliveប្រមាថព្រះមហាក្សត្រ។ការឃាត់ខ្លួនត្រូវបានធ្វើឡើងនៅរសៀលថ្ងៃទី២២ ខែកក្កដា ឆ្នាំ២០២៣ ក្នុងភូមិសាស្ត្រស្រុកឱរ៉ាល់ ខេត្តកំពង់ស្ពឺ។

មន្ត្រីនគរបាលមូលដ្ឋានស្រុកឱរ៉ាល់បានឱ្យដឹងថា បុរសដែលបានឃាត់ខ្លួនមានឈ្មោះ ស្វាយ សុផាត អាយុ៤៨ឆ្នាំ មានតួនាទីជាអ្នកយកព័ត៌មាន អង្គភាពគេហទំព័រ សារព័ត៌មាន (អ្នកមើលផ្លូវ)។

បច្ចុប្បន្នអ្នកកាសែតរូបនេះកំពុងស្ថិតក្រោមការសួរនាំរបស់មន្ត្រីជំនាញនៃអធិការដ្ឋាននគរបាលស្រុកឱរ៉ាល់៕