ឯកឧត្តម ជីវ កេង ប្រធានតុលាការកំពូល ត្រូវបានតែងតាំង​ជាសមាជិក​ឧត្តមក្រុមប្រឹក្សា​នៃអង្គចៅក្រម

ភ្នំពេញ៖ ព្រះករុណា ព្រះមហាក្សត្រ បានចេញព្រះរាជក្រឹត្យ ត្រាស់បង្គាប់​ តែងតាំង​ឯកឧត្តម ជីវ កេង ប្រធានតុលាការកំពូល ជាសមាជិកឧត្តមក្រុមប្រឹក្សានៃអង្គចៅក្រម ជំនួស​ឯកឧត្តមកិត្តិ​នីតិកោសលបណ្ឌិត ឌិត មុន្ទី ដែលចូលនិវត្តន៍​។

ឯកឧត្តម ជីវ កេង ត្រូវបាន​ព្រះករុណា ព្រះមហាក្សត្រ ចេញព្រះរាជក្រឹត្យ ត្រាស់បង្គាប់ តែងតាំង​ជាប្រធានតុលាការកំពូល ជំនួសឯកឧត្តម ឌិត មុន្ទី កាលពីថ្ងៃទី១០ ខែតុលា ឆ្នាំ២០២៣​៕