លោក សូ រតនៈ ប្រធានក្រុមយុវជនការពារសន្តិភាព និងសមាជិក នាំយកអំណោយសម្តេចធិបតី ហ៊ុន ម៉ាណែត និងលោកជំទាវបណ្ឌិតពេជ ចន្ទមុន្នី ចែកជូនប្រជាពលរដ្ឋពិការភាព និងមានការខ្វះខាត

December 11, 2023 ព័ត៌មានជាតិ

កណ្តាល៖ កាលពីថ្ងៃអាទិត្យ ១៣រោច ខែកត្តិក ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី១០ ខែធ្នូ ឆ្នាំ២០២៣ លោក សូ រតនៈ ប្រធានក្រុមយុវជនការពារសន្តិភាព រួមទាំងសមាជិក សហការជាមួយអាជ្ញាធរមូលដ្ឋាន នាំយកអំណោយដ៏ថ្លៃថ្លារបស់សម្តេចធិបតីហ៊ុន ម៉ាណែត និងលោកជំទាវបណ្ឌិត ចែកជូនប្រជាពលរដ្ឋពិការភាព និងមានការខ្វះខាតចំនួន៣គ្រួសារ ស្ថិតនៅសង្កាត់ព្រែកអំពិល ក្រុងអរិយក្សត្រ ខេត្តកណ្តាល។

លោក សូ រតនៈ ប្រធានក្រុមយុវជនការពារសន្តិភាព បានអោយអង្គភាព “ អែស អរ អិន ” ដឹងថា ប្រជាពលរដ្ឋចំនួន៣គ្រួសារ ក្នុង១ គ្រួសារៗទទួលបានរួមមាន៖
-អង្ករ ១បេ
-មី ១កេស
-ទឹកត្រី ១យួរ
-ទឹកសុីអុីវ ១យួរ
-សារ៉ុង១
-ថវិការចំនួន៤០,០០០រៀល។

លោក សូ រតនៈ បានបន្តថា ក្នុងចំណោម៣គ្រួសារខាងលេី មាន២គ្រួសារ ជាជនពិការ ដោយ១គ្រួសារ ទទួលបានរទេះជនពិការបន្ថែមម្នាក់១គ្រឿង និង១គ្រួសារទៀតទួលបានឈេីច្រត់ជនពិការបន្ថែម១គូផងដែរ។

លោកបានបញ្ជាក់បន្ថែមដែរថា ក្រោយពីបានចែកជូននូវអំណោយរួច ប្រជាពលរដ្ឋទាំង៣គ្រួសារ និងអាជ្ញាធរ សូមគោរពអរគុណ និងជូនពរដល់សម្តេចធិបតីហ៊ុន ម៉ាណែត នាយករដ្ឋមន្ត្រីកម្ពុជា និងលោកជំទាវបណ្ឌិតពេជ ចន្ទមុន្នី សូមជួបប្រទះនូវពុទ្ធពរ៤ប្រការគឺ៖ អាយុ វណ្ណៈ សុខៈ ពលៈ កុំបីឃ្លៀងឃ្លាតឡេីយ៕ដោយ៖ ឈឹម សុខន