ទេសរដ្ឋមន្រ្តី លី ធុជ អំពាវនាវឱ្យម្ចាស់អាជីវកម្ម ឬវិស័យឯកជនដែលមានផែនការវិនិយោគនៅលើតំបន់គិតថាសង្ស័យមានមីន និងយុទ្ធភ័ណ្ធមិនទាន់ផ្ទុះ ត្រូវធ្វើការទំនាក់ទំនងមកអាជ្ញាធរមីន ឬប្រតិបត្តិករដោះមីនណាដែលទទួលបានអាជ្ញាប័ណ្ណបោសសម្អាតពីអាជ្ញាធរមីន

August 30, 2023 ព័ត៌មានជាតិ

ខេត្តពោធិ៍សាត់៖ បន្ទាប់ពីមានម្ចាស់ Resort មួយកន្លែង ស្ថិតក្នុងឃុំថ្មដា ស្រុកវាលវែង ខេត្តពោធិ៍សាត់ បានបញ្ជាក់ថា គាត់បានសង្ស័យថានៅក្នុងតំបន់ Resort របស់គាត់ កំពុងរងការគំរាមកំហែងដោយសារគ្រាប់មីន និងសំណល់ជាតិផ្ទុះពីសង្រ្គាម ទើបថ្មីៗនេះ គាត់បានស្នេីសុំឱ្យអង្គភាព CMAC ធ្វើការឆែកពិនិត្យ ហេីយបានរកឃើញគ្រាប់មីន និងយុទ្ធភ័ណ្ធមិនទាន់ផ្ទុះជាច្រើនគ្រាប់។

ឯកឧត្តម ទេសរដ្ឋមន្រ្តី លី ធុជ ក៍បានអំពាវនាវឱ្យម្ចាស់អាជីវកម្ម ឬវិស័យឯកជនទាំងអស់ ដែលមានផែនការវិនិយោគនៅលេីតំបន់គិតថាសង្ស័យមានមីន និងយុទ្ធភ័ណ្ធមិនទាន់ផ្ទុះដទៃទៀត ត្រូវធ្វើការទំនាក់ទំនងមកអាជ្ញាធរមីន ឬប្រតិបត្តិករដោះមីនណាដែលទទួលបានអាជ្ញាប័ណ្ណបោសសម្អាតពីអាជ្ញាធរមីន ដេីម្បីរំដោះផ្ទៃដីទាំងនោះឱ្យមានសុវត្ថិភាព។ បោសសម្អាតជាមុន មុននឹងចាប់ផ្ដើមគម្រោងវិនិយោគរបស់ខ្លួន។

សូមបញ្ជាក់ផងដែរថា រដ្ឋាភិបាលថ្មីក្រោមការដឹកនាំរបស់ ឯកឧត្ដមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានអាជ្ញាធរមីន នឹងបន្តប្តេជ្ញាចិត្ត និងយកចិត្តទុកដាក់ខ្ពស់ ក្នុងការដោះស្រាយបញ្ហាមីននៅកម្ពុជា ក្នុងគោលដៅពន្លឿនការផ្តល់ដីសុវត្ថិភាព និងបង្កេីតស្នាមញញឹមជូនបងប្អូនប្រជាពលរដ្ឋឲ្យបានគ្រប់ៗគ្នា៕ដោយ៖ សិរី នាគ