សម្តេចធិបតី ហ៊ុន ម៉ាណែត អញ្ជើញជាអធិបតីក្នុងពិធីស្រោចស្រពព្រះសុគន្ធវារី “ប្រគេនសម្តេច និងព្រះមន្ត្រីសង្ឃជាន់ខ្ពស់ នៃគណៈមហានិកាយកម្ពុជា

ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្រ្តី នៃកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត បានអញ្ជើញជាអធិបតីក្នុងពិធីស្រោចស្រពព្រះសុគន្ធវារី “ប្រគេនសម្តេច និងព្រះមន្ត្រីសង្ឃជាន់ខ្ពស់ នៃគណៈមហានិកាយ នៅព្រះរាជាណាចក្រកម្ពុជា កាលពីព្រឹកថ្ងៃទី១៧ ខែវិច្ជិកា ឆ្នាំ២០២៣ នៅវត្តមុនីសុវណ្ណ (ហៅវត្តចំពុះក្អែក) សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ។

តាមគំនិតផ្ដួចផ្ដើមរបស់សម្តេចធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ប្រារព្ធពិធីស្រោចស្រពព្រះសុគន្ធវារី ប្រគេនសម្តេច និងព្រះរាជាគណៈចំនួន ១១អង្គគឺ ៖
១-សម្តេចព្រះធម្មលិខិត សៅរ៍ ចន្ទថុល្ល ឧត្តមប្រឹក្សា គណៈមហានិកាយ
២-សម្ដេចព្រះព្រហ្មរតនមុនី ពិន សែម គណៈមហានិកាយ
៣-សម្តេចព្រះមហាអរិយវង្ស យ៉ន សេង យៀត គណៈមហានិកាយ
៤-សម្តេចព្រះមង្គលមុនីរង្សី ហ៊ូ ឈីវនាថ គណៈមហានិកាយ
៥-ព្រះមហាវិមលធម្ម មួង សទ្ធាពុទ្ធពង្ស ព្រះរាជាគណៈថ្នាក់ទោ ៦-ព្រះមុនីកោសល វ៉ង់ គឹមសន ព្រះរាជាគណៈថ្នាក់ទោ
៧-ព្រះពុទ្ធវង្ស សុខ សុភាព ព្រះរាជាគណៈថ្នាក់ត្រី
៨-ព្រះឧបាលិវង្ស កែវ សាវ៉ន ព្រះរាជាគណៈថ្នាក់ត្រី
៩-ព្រះគម្ពីរត្ថេរ ញ៉ត ចន្ទតារា ព្រះរាជាគណៈថ្នាក់ត្រី
១០-ព្រះសិរីវិសុទ្ធិ វ័ន្ត វណ្ណោ ព្រះរាជាគណៈថ្នាក់ចត្វា
១១-ព្រះវិន័យសំវរ រិន សុផុន ព្រះរាជាគណៈថ្នាក់ចត្វា៕