Breaking News

សង្ឃដីកាសម្រេច ឲ្យព្រះទេវសត្ថា ពឿយ មេត្តា បញ្ចប់អធិករណ៍ ការតវ៉ា ទាមទារដីវត្ត លោកយាយជំទាវហេង នៅ ប្រទេសជប៉ុន ចាប់ពីពេលនេះតទៅ

 

ភ្នំពេញ៖សង្ឃដីកាសម្រេចមួយ ស្ដីពី ដំណោះស្រាយករណីអធិករណ៍នៅវត្តបារមីគិរីខេមរាភ្នំបិតាធំ ហៅ វត្តលោកយាយជំទាវហេង នៅប្រទេសជប៉ុន បានចេញនៅថ្ងៃទី១៤ ខែធ្នូ ឆ្នាំ២០២១ នេះ មានរហូតដល់ចំនួន៩ប្រការ ។

ក្នុងសង្ឃដីកាសម្រេចនេះ គឺ បានថ្វាយប្រគល់សិទ្ធិគ្រប់គ្រងនិងកាន់កាប់ដីវត្តលោកយាយជំទាវហេង នៅប្រទេសជប៉ុន ដល់គណៈសង្ឃនាយក គណៈមហានិកាយនៃព្រះរាជាណាចក្រកម្ពុជា សម្រាប់ទុកជាគរុភ័ណ្ឌសង្ឃនិងសម្បត្តិមរតកពុទ្ធសាសនាថេរវាទកម្ពុជា តទៅ ។

ជាមួយគ្នានោះ សង្ឃដីកាសម្រេច ក៏បានឲ្យព្រះទេវសត្ថា ពឿយ មេត្តា និង ក្រុមការងារត្រូវបញ្ចប់អធិករណ៍ ការតវ៉ានិងការទាមទារដីវត្តលោកយាយជំទាវហេង ព្រមទាំងសំណងពីគ្រប់ភាគីទាំងអស់ក្នុងអធិករណ៍នេះ ពេលនេះតទៅ ។

សង្ឃដីកាសម្រេចនេះ ក៏បានព្រមានដែរថា «ក្នុងករណីមិនគោរពតាមសង្ឃដីកាសម្រេច នេះ សាមីខ្លួនត្រូវទទួលខុសត្រូវចំពោះមុខវិន័យនិងច្បាប់ជាធរមាន» ៕

កាន់តែលម្អិតសូមអានសង្ឃដីកាសម្រេចនេះបន្ថែមទៀត

Check Also

សម្តេចរដ្ឋសភាធិបតី ឃួន សុដារី អញ្ជើញដឹកនាំគណៈប្រតិភូជាន់ខ្ពស់រដ្ឋសភាកម្ពុជា បំពេញទស្សនកិច្ចជាផ្លូវការ និងចូលរួមកិច្ចប្រជុំកំពូលប្រធានសភាស្រ្តី នៅសាធារណរដ្ឋបារាំង

Leave a Reply

Your email address will not be published. Required fields are marked *