Breaking News

ក្មេងទំនើង ជាសិស្សវិទ្យាល័យម្នាក់​ ត្រូវបានកម្លាំងនគបាលស្រុកត្រាំកក់​ ឃាត់ខ្លួនក្នុងចំណោមបក្ខពួក៧នាក់

ខេត្តតាកែវ​ ៖​ ក្មេងទំនេីងជាសិស្សវិទ្យាល័យម្នាក់​ ត្រូវបានកម្លាំងនគបាលស្រុកត្រាំកក់​ នៃស្នងការដ្ឋាននគរបាលខេត្តតាកែវ​ ធ្វេីការឃាត់ខ្លួន​ បន្ទាប់ពីនាំគ្នាជិះម៉ូតូដេញវាយគូរជម្លោះក្នុងចំណោម០៧នាក់(២ក្រុម)​ ។ នេះបេីយោងតាមផេកផ្លូវការរបស់ស្នងការដ្ឋាននគរបាលខេត្តតាកែវ​ ដែលក្រុមការងារ“ អែស អរ អិន ” ទទួលបាននាព្រឹកថ្ងៃទី៣០​ ខែឧសភា​ ឆ្នាំ​២០២៤​ ។

​ ក្នុងប្រតិបត្តិការ​នេះ​ ដោយមានការដឹកនាំបញ្ជាពីលោកឧត្តមសេនីយ៍ទោ ឈាង ផាន់ណារ៉ា ស្នងការ នៃស្នងការដ្ឋាននគរបាលខេត្តតាកែវ និងមានការ សម្របសម្រួលពីឯកឧត្តម ឯក ឆេងហួត ព្រះរាជអាជ្ញាអមសាលាដំបូងខេត្តតាកែវ នៅថ្ងៃពុធ ៧ រោច ខែពិសាខ ឆ្នាំរោង​ ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៩ ខែឧសភា ឆ្នាំ២០២៤ វេលាម៉ោង១៧ និង៣០នាទី លោក វរសេនីយ៍ឯក ឌុក ធីយ៉ា អធិការ នៃអធិការដ្ឋាននគរបាលស្រុកត្រាំកក់ ដឹកនាំកម្លាំងជំនាញ ស្រាវជ្រាវកំណត់មុខសញ្ញារហូតឈានដល់ការឃាត់ខ្លួន បានជនសង្ស័យចំនួន ០១នាក់ ក្នុងចំណោម០៧នាក់(២ក្រុម) ពាក់ព័ន្ធករណីក្មេងទំនើងជិះម៉ូតូដេញវាយគ្នាបង្កភាពអសន្តិសុខតាមផ្លូវសាធារណៈ នៅផ្លូវជាតិលេខ៣ម្តុំផ្សារអង្គតាសោម ស្រុកត្រាំកក់ កាលពីរសៀលថ្ងៃទី២៨ ខែឧសភា ឆ្នាំ២០២៤។

ជនសង្ស័យមានឈ្មោះ ជា ថាវិន ភេទប្រុសអាយុ ១៧ ឆ្នាំ មានទីលំនៅបច្ចុប្បន្នភូមិត្រពាំងកប្បាស ឃុំតាភេម ស្រុកត្រាំកក់ ជាសិស្សរៀនថ្នាក់ទី 11Aនៃវិទ្យាល័យតេជោហ៊ុនសែនអង្គសោម ចំណែកបក្សពួកទាំងពីរក្រុមនេះ សមត្ថកិច្ចជំនាញបានក្តាប់មុខសញ្ញាអស់ហើយនិងកំពុងធ្វើសាវតាមចាប់ខ្លួន​ដេីម្បីសាងសំណុំរឿងតាមនីតិវិធី៕​SRN

Check Also

ក្រុមអ្នកនាំពាក្យក្រសួងមហាផ្ទៃ រៀបចំសន្និសីទសារព័ត៌មាន លើកដំបូង ស្តីពីការផ្តល់សេវាតាមច្រកចេញចូលតែមួយនៅរដ្ឋបាលថ្នាក់ក្រោមជាតិ

Leave a Reply

Your email address will not be published. Required fields are marked *