លោកអភិបាលរងស្រុកស្នួលម្នាក់បើករថយន្តក្រឡាប់ធ្លាក់ចូលប្រឡាយ

រចេះ៖ លោក នូ សុផល ជាអភិបាលរងស្រុកស្នួល បានជួបគ្រោះថ្នាក់ចរាចរណ៍ ដោយបើករថយន្តដេាយខ្លួនឯង ហើយក្រឡាប់ធ្លាក់ពីលើផ្លូវចូលប្រឡាយទឹក បណ្ដាលឲ្យស្លាប់បាត់បង់ជីវិត នៅកន្លែងកើតហេតុ។

ហេតុការណ៍គ្រោះថ្នាក់ចរាចរណ៍ខាងលើនេះបានកើតឡើង កាលពីវេលាម៉ោង២ និង៣០ ទាបភ្លឺឈានចូលថ្ងៃទី២៥ ខែកក្កដា ឆ្នាំ២០២២ នៅចំនុចផ្លូវជាតិលេខ៧ (ស្នួល-ក្រចេះ) ចំណុចចន្លោះបង្គោលគីឡូម៉ែត្រលេខ ២៦៨ ភូមិឃ្សឹមក្រៅ ឃុំឃ្សឹម ស្រុកស្នួល ខេត្តក្រចេះ ។

យោងតាមរបាយការណ៍នគរបាលបានឲ្យដឹងថា លោក នូ សុផល អាយុ ៤៥ឆ្នាំ ជនជាតិខ្មែរ មានទីលំនៅភូមិវត្ត សង្កាត់ក្រចេះ ក្រុងក្រចេះ ខេត្តក្រចេះ ធ្វេីដំណេីរពីទិសខាជេីង ឆ្ពោះទៅទិសខាងត្បូង បើករថយន្ដម៉ាកហាយប្រ៊ីតពណ៌ទឹកប្រាក់ ពាក់ផ្លាកលេខ ភ្នំពេញ 2R-5300 ដោយបើកបរបរក្នុងល្បឿនលឿនដល់ចំនុចកើតហេតុខាងលើ រ៉េចង្កូតរអិលធ្លាក់ផ្លូវក្រឡាប់រថយន្តចូលក្នុងប្រឡាយទឹកតែម្ដង។

បច្ចុប្បន្ន សាកសពត្រូវបានសមត្ថកិច្ចដឹកបញ្ជូនតាមរថយន្តពេទ្យប្រគល់ជូនបងប្អូនក្រុមគ្រួសារចាត់ចែងយកទៅធ្វេីបុណ្យតាមប្រពៃណី ៕