លោកស្រ្តាចារ្យបណ្ឌិត វិន សាវឿន និងឯកឧត្តមបណ្ឌិត ឃន ជឺ អញ្ជើញចូលរួមកម្មវិធីសំណេះសំណាល និងផ្សព្វផ្សាយផែនការឆ្ពោះទៅកាន់ការបោះឆ្នោតជ្រើសតាំងតំណាងរាស្រ្ត

ខេត្តត្បូងឃ្មុំ៖ នារសៀលថ្ងៃសុក្រ ១កើត ខែបុស្ស ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី២៣ ខែធ្នូ ឆ្នាំ២០២២ លោកស្រ្តាចារ្យបណ្ឌិតប្រធាន វិន សាវឿន និងឯកឧត្តមបណ្ឌិតអនុប្រធាន ឃន ជឺ បានអញ្ជើញចូលរួមកម្មវិធីសំណេះសំណាល និងផ្សព្វផ្សាយផែនការឆ្ពោះទៅកាន់ការបោះឆ្នោតជ្រើសតាំងតំណាងរាស្រ្តនីតិកាលទី៧ ឆ្នាំ២០២៣ ដែលនឹងប្រព្រឹត្តទៅនៅថ្ងៃទី ២៣ ខែកក្កដា ឆ្នាំ២០២៣ ជូនដល់សកម្មជនយុវជនគណបក្សប្រជាជនកម្ពុជា ក្នុងឃុំក្រែក ក្រោមអធិបតីភាព ឯកឧត្តមបណ្ឌិត គឹម សន្តិភាព សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាអនុប្រធានក្រុមការងារគណបក្សប្រជាជនកម្ពុជា ចុះមូលដ្ឋានស្រុកពញាក្រែក ខេត្តត្បូងឃ្មុំ ទទួលបន្ទុកលើការងារយុវជន។

ក្នុងពិធីនេះក៏មានការចូលរួមពី ប្រធាន អនុប្រធាន ក្រុមការងារគណបក្សប្រជាជនកម្ពុជាចុះជួយមូលដ្ឋាន ឃុំក្រែក និងក្រុមការងារថ្នាក់ស្រុក-ឃុំ មេភូមិ យុវជនភូមិ-ឃុំ និងប្រជាការពារ សរុបចំនួន២៤០រូប៕ដោយ៖ សិរី នាគ