Breaking News

សត្វសំពោចក្រអូបមួយគូ ត្រូវបានយកមកផ្សាំងមុនការដោះដោះលែងចូលក្នុងព្រៃធម្មជាតិនៃឧទ្យានអង្គរ

សៀមរាប៖ សត្វសំពោចក្រអូប មួយគូ ត្រូវបានក្រុមអ្នកអភិរក្ស យកមកផ្សាំងនៅក្នុងទ្រុងនៅឧទ្យានអង្គរ មុននឹងធ្វើការដោះលែងពួកវាចូលក្នុងព្រៃធម្មជាតិនៅតំបន់នោះ។សត្វ សំពោចក្រអូប ទាំង២ក្បាលនេះ មានញី១ និងឈ្មោល១ ត្រូវបាន អាជ្ញាធរជាតិអប្សរា សហការជាមួយរដ្ឋបាលព្រៃឈើភ្នំពេញ និងអង្គការ សម្ព័ន្ធមិត្តសត្វព្រៃ Wildlife Alliance បានដឹកជញ្ជូន ពីមជ្ឈមណ្ឌលសង្រ្គោះ សត្វព្រៃភ្នំតាម៉ៅ កាលពីថ្ងៃទី៧ ខែកក្កដា ឆ្នាំ២០២៣ ហើយយកមកផ្សាំងក្នុងទ្រុង ដែលក្រុមការងារគម្រោង នឹង ដោះលែងចូលទៅក្នុងព្រៃធម្មជាតិនៃឧទ្យានអង្គនៅពេលខាងមុខ។

នេះបើតាមអ្នកជំនាញអភិរក្សសត្វព្រៃអន្តរជាតិ របស់អង្គរWild life Alliance លោក Nick Mark មានប្រសាសន៍កាលពីពេលថ្មីៗនេះថា ជាច្រើនឆ្នាំមកនេះ អង្គការអភិរក្សសត្វព្រៃអន្តរជាតិ ដែលសហការជាមួយរដ្ឋបាលព្រៃឈើនិងអាជ្ញាធរជាតិអប្សរា បានដោះលែងសត្វព្រៃជាច្រើនប្រភេទនៅក្នុងតំបន់រមណីយដ្ឋានអង្គរ។ សត្វព្រៃទាំងនោះ មានដូចជាសត្វទោច ស្វាព្រាហ្មណ៍ ឈ្លូស សំពោច ឆ្មាដាវ សត្វកេងកង ក្ងោកនិងសត្វភេ ព្វាំងនិងឆ្កែព្រៃ ដែលបច្ចុប្បន្នបានកើនឡើងចំនួន៧៥ក្បាល។ លោកថាសត្វព្រៃនៅក្នុងតំបន់អង្គរ ពិតជាមានសារៈសំខាន់យ៉ាងខ្លាំង ក្នុងការជួយទាក់ទាញភ្ញៀវទេសចរផ្នែកធម្មជាតិ ឱ្យកាន់តែមានចំនួនច្រើនឡើងថែមទៀតជាមួយនឹងទេសចរណ៍វប្បធម៌។

កន្លងមកនេះគម្រោងទទួលបានជោគជ័យក្នុងការដោះលែងសត្វព្រៃជាច្រើនប្រភេទចូលក្នុងព្រៃធម្មជាតិនៃឧទ្យានអង្គរ មានដូចជា សត្វទោចមកុដ ចំនួន៨ក្បាល ហើយវាក៏បង្កើតកូនបន្ថែមបានចំនួន៧ក្បាល សត្វឈ្លូសចំនួន៦ក្បាល សត្វស្វា ចំនួន១២ក្បាល សត្វសំពោចក្រអូបចំនួន៥ក្បាល សត្វភេខ្លួនរលោងចំនួន៨ក្បាល (កើតកូនបានចំនួន៥ក្បាល) សត្វឆ្មារដាវចំនួន២ក្បាល កេងកងតូចចំនួន៧ក្បាល កេងកងធំចំនួន៦ក្បាល សត្វព្វាំងចំនួន៧ក្បាល សត្វក្ងោកចំនួន៩ក្បាល សត្វអន្សងចំនួន១ក្បាល និងសត្វផ្សេងៗមួយចំនួនទៀត ដែលមកដល់ឥឡូវសត្វទាំងអស់នេះ នៅតែមានវត្តមាននៅទីនោះនៅឡើយ ក្រោមការយកចិត្តទុកដាក់តាមដាន និងថែទាំ ជាប្រចាំ ពីក្រុមការងារ៕

Check Also

សារលិខិតជូនពររបស់ថ្នាក់ដឹកនាំនិងមន្ត្រីរាជការគ្រប់លំដាប់ថ្នាក់នៃក្រសួងព័ត៌មានគោរពជូនសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសពិធីបុណ្យចូលឆ្នាំថ្មីប្រពៃណីជាតិ

Leave a Reply

Your email address will not be published. Required fields are marked *