Breaking News

ប្រាប់ថាទៅលេងមិត្តភ័ក្រ បាត់២ថ្ងៃប្រទះឃើញសព អណ្តែតទឹក រណ្តៅដីទៅវិញ

កណ្តាល៖ ស្ត្រីម្នាក់ម្នាក់ខណៈដែលមានជំងឺសរសៃប្រសាទ កន្លងមកព្យាយាមប៉ុនប៉ងសម្លាប់ខ្លួនចំនួន២លើកមកហើយ តែមិនបានសម្រេច ដោយបានក្រុមគ្រួសារជួយទាន់ ស្រាប់តែមកដល់លើកនេះ បន្ទាប់ចេញពីផ្ទះបាត់២ថ្ងៃ ក្រុមគ្រួសារដើរស្វែងរក ទីបំផុតប្រទះឃើញស្លាត់អណ្តែតទឹករណ្តៅដី សង្ស័យធ្វើអត្តឃាត បង្កឲ្យភ្ញាក់ផ្អើល កាលពីវេលាម៉ោង៧និង៣០នាទីព្រឹក ថ្ងៃទី២៩ ខែសីហា ឆ្នាំ២០២៣ នៅភូមិត្រាចទោល ឃុំបែកចាន ស្រុកអង្គស្នួល ខេត្តកណ្តាល។

ជនរងគ្រោះមានឈ្មោះ រស់ សុខខេ ភេទស្រី អាយុ៣០ឆ្នាំ ជាមនុស្សមានជំងឺសរសៃប្រសាទ មានទីលំនៅក្នុងភូមិកៅ ឃុំបែកចាន ស្រុកអង្គស្នួល ខេត្តកណ្តាល ។

យោងតាមការបំភ្លឺពីក្រុមគ្រួសារបានឲ្យដឹងថា ជនរងគ្រោះមានជំងឺសរសៃប្រសាទ ធ្លាប់នាំទៅពិនិត្យព្យាបាលនៅមន្ទីរពេទ្យ ហើយកន្លងមក ជនរងគ្រោះព្យាយាមប៉ុនប៉ងសម្លាប់ខ្លួនចំនួន២លើកហើយ តែមិនបានសម្រេច លុះមកដល់ព្រឹកថ្ងៃទី២៨ ខែសីហា ឆ្នាំ២០២៣ ជនរងគ្រោះជិះម៉ូតូម៉ាកBeat ពណ៌ស ចេញពីផ្ទះ ប្រាប់ថាទៅលេងមិត្តភ័ក្រនៅកន្លែងធ្លាប់ធ្វើការងារ ហើយក៏បាត់រហូត ក្រុមគ្រួសារតាមស្វែងរក តែមិនឃើញ លុះមកដល់ព្រឹកថ្ងៃនេះ ប្រទះឃើញម៉ូតូ នៅក្បែររណ្តៅដៅ តែមិនឃើញជនរងគ្រោះ តាមរកមើល ស្រាប់តែប្រទះឃើញស្លាប់អណ្តែតទឹករណ្តៅដីទៅវិញ ។

សពជនរងគ្រោះត្រូវបានសមត្ថកិច្ចពិនិត្យកោសល្យវិច័យ ឃើញថាស្លាប់ដោយលង់ទឹក រួចប្រគល់ជូនក្រុមគ្រួសារចាត់ចែងយកទៅធ្វើបុណ្យតាមប្រពៃណី៕ដោយ៖ សិរី នាគ

Check Also

សារលិខិតជូនពររបស់ថ្នាក់ដឹកនាំនិងមន្ត្រីរាជការគ្រប់លំដាប់ថ្នាក់នៃក្រសួងព័ត៌មានគោរពជូនសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសពិធីបុណ្យចូលឆ្នាំថ្មីប្រពៃណីជាតិ

Leave a Reply

Your email address will not be published. Required fields are marked *