លោក យី យ៉េន អភិបាលអភិបាលស្រុកមុខកំពូល បានយកអំណោយរបស់ ឯកឧត្តម គង់ សោភ័ណ្ឌ ផ្តល់ជូនក្រុមទូកទាំង ៧

កណ្តាល៖ នៅព្រឹកថ្ងៃសុក្រ​ ១២រោច ខែអស្សុជ​ ឆ្នាំថោះ​ បញ្ចស័ក​ ព.ស.២៥៦៧​ ត្រូវនឹងថ្ងៃទី​១០​ ខែវិច្ឆិកា​ ឆ្នាំ​២០២៣នេះ លោក យី យ៉េន អភិបាល នៃគណៈអភិបាលស្រុកមុខកំពូល តំណាងគណៈកម្មការគ្រប់គ្រងទូកទាំង៧ និងកីឡាករទូកទាំង​ ៤៨០នាក់ ក្នុងស្រុកមុខកំពូល​ សូមគោរព​​​ថ្លែងអំណរគុណយ៉ាងជ្រាលជ្រៅបំផុតជូនចំពោះឯកឧត្តម គង់ សោភ័ណ្ឌ អភិបាលខេត្តកណ្តាល និងលោកជំទាវ ថេង ពុទ្ធិតា ដែលបានឧបត្ថម្ភអំណោយដល់កីឡាករចំណុះទូកទាំងអស់ ក្នុងម្នាក់ៗទទួលបាន៖​ អង្ករ ២០គីឡូក្រាម,​ មី ១កេស,​ ត្រីខ ១យួរ ,សារ៉ុង១​ ,និងថវិកា​ ៥០,០០០រៀល ៕ដោយ៖ ហួត ម៉េងហួ