ឯកឧត្ដម គង់ សោភ័ណ្ឌ អភិបាលខេត្តកណ្ដាល អញ្ជើញចូលរួមកិច្ចប្រជុំគណៈប្រចាំការនៃ គ.ប.ក តាមប្រព័ន្ធ Zoom

ខេត្តកណ្តាល៖ កាលពីរសៀល ថ្ងៃចន្ទ ទី១៩ ខែកក្កដា ឆ្នាំ២០២១ ឯកឧត្ដម គង់ សោភ័ណ្ឌ អភិបាលខេត្តកណ្ដាល រួមជាមួយឯកឧត្ដម លោកជំទាវ អភិបាលរងខេត្ត កងកម្លាំងទាំង៣ មន្ទីរអង្គភាពពាក់ព័ន្ធ អញ្ជើញចូលរួមកិច្ចប្រជុំគណៈប្រចាំការនៃ គ.ប.ក តាមប្រព័ន្ធ Zoom ក្រោមអធិបតីភាព ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈប្រចាំការ នៃ គ.ប.ក ដែលកិច្ចប្រជុំនេះផ្ដោតសំខាន់លើ វឌ្ឍនភាពការចាក់វ៉ាក់សាំងការពារជំងឺកូវីដ-១៩ និងការត្រៀមលក្ខណៈសម្រាប់ជំហានបន្ទាប់ និងការវាយតម្លៃលើការវិវត្តន៍ថ្មី និងការគ្រប់គ្រងការរាលដាលនៃជំងឺកូវីដ-១៩៕SRN