អភិបាលរងខេត្តពោធិ៍សាត់ ៤រូប នឹងត្រូវធ្វើពិធីប្រកាសជាផ្លូវការ នាថ្ងៃទី៣០ ខែកញ្ញា ឆាប់ៗខាងមុខ

(ពោធិ៍សាត់)៖ អភិបាលរង នៃគណៈអភិបាលខេត្តពោធិ៍សាត់ ចំនួន៤រូប នឹងត្រូវធ្វើពិធីប្រកាសចូលកាន់មុខតំណែងជាផ្លូវការ នាថ្ងៃទី៣០ ខែកញ្ញា ឆ្នាំ២០២២ឆាប់ៗខាងមុខ ក្រោមអធិបតីភាព ឯកឧត្តម ប៉ាវ ហមផាន រដ្ឋលេខាធិការ តំណាងសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។

នេះបើតាមលិខិត របស់ក្រសួងមហាផ្ទៃ ជម្រាបជូនឯកឧត្តមអភិបាល នៃគណៈអភិបាលខេត្តពោធិ៍សាត់ ដើម្បីរៀបចំពិធីប្រកាសចូលកាន់មុខតំណែង អភិបាលរង នៃគណៈអភិបាលខេត្តពោធិ៍សាត់ លេខ២៣៦ សជណ/អរប ចុះថ្ងៃទី២៧ ខែកញ្ញា ឆ្នាំ២០២២។

អភិបាលរង នៃគណៈអភិបាលខេត្តពោធិ៍សាត់ ទាំង៤រូប ដែលត្រូវប្រកាសនោះ រួមមាន៖

១-លោក ងួន ប៉ោសេង អតីតអនុរដ្ឋលេខាធិការ ក្រសួងរ៉ែ និងថាមពល បច្ចុប្បន្នជាអភិបាលរង នៃគណៈអភិបាលខេត្តពោធិ៍សាត់។

២-លោក ឡាយ វិសិដ្ឋ អតីតប្រធានមន្ទីរកសិកម្ម រុក្ខា ប្រមាញ់ និងនេសាទ ខេត្តពោធិ៍សាត់ បច្ចុប្បន្នជាអភិបាលរង នៃគណៈអភិបាលខេត្តពោធិ៍សាត់។

៣-លោក ហៀម ឃួន អតីតអភិបាលរងនៃគណៈអភិបាលខេត្តកែប និងជាអតីតអនុប្រធាននាយកដ្ឋាន ក្រសួងមហាផ្ទៃ បច្ចុប្បន្នជាអភិបាលរង នៃគណៈអភិបាលខេត្តពោធិ៍សាត់។

៤-លោក រុន សារី អតីតអនុប្រធានមន្ទីរធម្មការ និងសាសនាខេត្តពោធិ៍សាត់ (ខ្មែរឥស្លាម) បច្ចុប្បន្នជាអភិបាលរង នៃគណៈអភិបាលខេត្តពោធិ៍សាត់។

សូមបញ្ជាក់ថា សមាសភាព​គណៈអភិបាល​ខេត្ត​ពោធិ៍សាត់​ បន្ទាប់ពីរាជរដ្ឋាភិបាលសម្រេចបន្ថែម ចំនួន៤រូបទៀត គឺសរុបចំនួន១១រូបហើយ រួមមាន​ ៖

១-​ ឯកឧត្ដម​ ជាវ​ តាយ​ អភិបាល នៃគណៈអភិបាលខេត្តពោធិ៍សាត់

២-​ ឯកឧត្តម ចេង​ ឡៃ​ អភិបាលរង នៃគណៈអភិបាលខេត្ត 

៣-​ លោក​ សាយ​ សុជាតិ​ អភិបាលរង នៃគណៈអភិបាលខេត្ត

៤-​ លោ​ក​ គិត​ សុផា អភិបាលរង នៃគណៈអភិបាលខេត្ត

៥-​ លោក​ លឹម​ សុខតូ អភិបាលរង នៃគណៈអភិបាលខេត្ត

៦-​ លោក​ ពៅ​ ពិសិដ្ឋ​ អភិបាលរង នៃគណៈអភិបាលខេត្ត

៧-​ លោក​ស្រី​ ប៉ុក​ ណាឌី អភិបាលរង នៃគណៈអភិបាលខេត្ត

៨-​ លោក​ ងួន​ ប៉ោសេង​ អភិបាលរង នៃគណៈអភិបាលខេត្ត (ថ្មី)

៩-​ លោក​ ឡាយ​ វិសិដ្ឋ​ អភិបាលរង នៃគណៈអភិបាលខេត្ត (ថ្មី)

១០-​ លោក​ ហៀម​ ឃួន អភិបាលរង នៃគណៈអភិបាលខេត្ត (ថ្មី)។

១១-​ លោក រុន សារី  អភិបាលរង នៃគណៈអភិបាលខេត្ត (ថ្មី)៕