Breaking News

អភិបាលស្រុកស្ទោងនិងសហការី អញ្ជើញ ចែកអំណោយដល់ប្រជាជនរងគ្រោះដោយទឹកជំនន់និងពិនិត្យមើលការសិក្សាម៉ោងបន្ថែមរបស់សិស្សថ្នាក់ទី12 នៅវិទ្យាល័យ ហ៊ុន សែន ចំណាលើ

ខេត្តកំពង់ធំ៖ នៅថ្ងៃទី01  ខែតុលា  ឆ្នាំ 2022  លោកសាយ  គឹមឡម  អភិបាលស្រុកស្ទោងនិង សហការី បានអញ្ជើញចុះសួរសុខទុក្ខ បងប្អូនប្រជាពលរដ្ឋដែលរងគ្រោះដោយទឹកជំនន់នៅឃុំចំណារលើ ស្រុកស្ទោង  ខេត្តកំពង់ធំចំនួន12គ្រួសារ ។

   ថ្លែងទៅកាន់បងប្អូនប្រជាពលរដ្ឋនៅក្នុងឱកាសនេះ  លោកអភិបាលស្រុក បានណែនាំដល់បងប្អូនប្រជាពលរដ្ឋទាំងអស់ ត្រូវ រស់នៅប្រកបដោយអនាម័យខ្ពស់ពិសេស បង្ការខ្លួនកុំឲ្យមានជម្ងឺឆ្លងនិងជម្ងឺរាតត្បាតផ្សេងៗ លើសពីនេះ លោកសាយ  គឹមឡម  ក៏បាន ឲ្យប្រជាពលរដ្ឋ ត្រូវត្រៀមលក្ខណៈក្នុងការស្ដារនិងដាំដុះដំណាំឡើងវិញពិសេសដំណាំជុំវិញផ្ទះដែលបានខូចខាតដោយសារទឹកជំនន់ក្នុងការលើកកម្ពស់សេដ្ឋកិច្ចគ្រួសារបានមួយកម្រិត ។

   លើសពីនេះទៀត លោកអភិបាលស្រុកក៏បានអញ្ជើញទៅ ពិនិត្យមើល ការសិក្សារៀនសូត្រ ថ្នាក់បន្ថែមសម្រាប់ការត្រៀមប្រឡងរបស់សិស្សថ្នាក់ទី12 នៅវិទ្យាល័យហ៊ុនសែនចំណារលើ ដែលមានចំនួន2ថ្នាក់  និងសិស្សសរុប 81នាក់  ស្រី  51នាក់ ដែលត្រៀមក្នុងការប្រឡងបញ្ចប់យកសញ្ញាបត្រ ក្នុងពេលឆាប់ៗខាងមុខនេះ លោកក៏បានណែនាំដល់សិស្សានុសិស្សត្រូវខិតខំរៀនសូត្រឲ្យអស់ពីសមត្ថភាព ទាំងការរៀនសូត្រដោយផ្ទាល់ជាមួយលោកគ្រូអ្នកគ្រូ  ការស្វ័យសិក្សានៅផ្ទះនិងរៀនតាមប្រព័ន្ធឌីជីថលជាដើម ដើម្បីឲ្យបានទទួលនូវលទ្ធផល ជាប់ គ្រប់គ្រប់គ្នាប្រកបដោយគុណភាព។

     គួរបញ្ជាក់ផងដែរថា  ប្រជាពលរដ្ឋទាំង12នាក់ខាងលើ ម្នាក់ៗទទួលបាននូវ  អង្ករ1បេ  មី1កេះ  និងទឹកត្រី1យួរ  ហើយការបង្រៀនបំប៉នបន្ថែមសម្រាប់ត្រៀមប្រលងរបស់សិស្សថ្នាក់ទី12នៅវទ្យាល័យហ៊ុន  សែន  ចំណាលើជាការឧបត្ថម្ភទាំងស្រុងរបស់ឯកឧត្តមបណ្ឌិតជា  ចាន់តូ ប្រធានក្រុមគណៈបក្សប្រជាជនកម្ពុជាចុះជួយខេត្តកំពង់ធំនិងលោកជំទាវ  ខៀវ ស៊ីណា៕

Check Also

អាជ្ញាធររាជធានីភ្នំពេញ ណែនាំឱ្យកម្លាំងសមត្ថកិច្ចខណ្ឌទាំង១៤ បន្តបង្ក្រាបក្មេងទំនើងឱ្យដល់ឫសគល់ ដើម្បីធានាថា ក្នុងមូលដ្ឋានរបស់ខ្លួនមិនមានក្មេងទំនើង

Leave a Reply

Your email address will not be published. Required fields are marked *