Breaking News

អាជ្ញាធរស្រុកស្រែអំបិល មានដឹងសកម្មភាពពួកឈ្មួញកំពុងចាក់ដីលុបព្រៃលិចទឹកនិងដីតំបន់កោងកាងនៅឃុំដងពែងដែរឬទេ?

ខេត្តកោះកុង៖ បើតាមសេចក្តីរាយការណ៍ពីប្រជាពលរដ្ឋនៅឃុំដងពែងស្រុកស្រែអំបិលខេត្តកោះកុងបានអោយដឹងថា គេឃើញម៉ាស៊ីនបូមខ្សាច់បីគ្រឿងដែលមានមុខទំហំជាងមួយទឹកកំពុងធ្វើសកម្មភាពបូមខ្សាច់ចាក់លុបដីព្រៃលិចទឹក,ដីព្រៃកោងកាងនៅលើផ្ទៃដីជាច្រើនសិបហិចតាដែលគេសង្ស័យថា ម្ចាស់ការដ្ឋាននេះបានស្នើសុំអាជ្ញាធរនិងស្ថាប័នជំនាញបូមខ្សាច់បំពេញលុបដីព្រៃ លិចទឹកនិងដីកោងកាងលើផ្ទៃដីតែ១ហិចតាប៉ុណ្ណោះប៉ុន្តែស្ថានភាពជាក់ស្ដែងគឺពួកគេកំពុងលុបដីព្រៃកោង កាងនិងព្រៃលិចទឹកច្រើនសិបហិចតា។

នៅថ្ងៃទី៤ខែវិច្ឆិកា២០២២នេះ មានសេចក្តីរាយការពីប្រជា ពលរដ្ឋនេសាទ ផ្ញើរូបភាពមកខាងសារព័ត៌មានអំពីបញ្ហាដែលមានម៉ាស៊ីបូមខ្សាច់៣គ្រឿងប្រើទុយោមានទំហំមុខកាត់អាចលើស១តឹក បណ្តែតលើទឹកកំពុងធ្វើសកម្មភាពបូមខ្សាច់លុប ដីព្រៃលិចទឹកដីព្រៃកោង កាង ដែលបានស្នើសុំច្បាប់ចាក់បំពេញបន្ថែមទំហំ ១ហិតតា តែដល់បូមខ្សាច់លុបអាចនិងលើសពីការស្នើសុំច្រើនសិបហិចតា។

បើតាមប្រជាពលរដ្ឋនេសាទ ប្រចាំថ្ងៃនៅទីនោះបានលើកឡើងថា ដីព្រៃកោងកាងដីព្រៃលិចទឹកគឺជម្រកត្រី ក្តាម,បង្កង,បង្គាខ្យង,ងាវ,គ្រែង រួមទាំងជាជម្រកជីវ: ចម្រុះ ជាច្រើនមុខទៀតដែលរស់នៅក្នុងសមុទ្រសម្រាប់ពងកូនដ៏មានសារ:សំខាន់បំផុតសម្រាប់ពលរដ្ឋអាស្រ័យ ផល។ និយាយជារួមគឺជាឆ្នាំងបាយ ជាដង្ហើម រស់ផ្គត់ផ្គង់ជីវភាពចិញ្ចឹមគ្រួសារប្រចាំថ្ងៃ សម្រាប់ពួក គាត់ដែលមានក្រីក្រគ្មានលុយកាក់ ធនធានទ្រព្យ សម្បត្តិ ច្រើនដើម្បីទិញឧបករណ៍និងទូកធំដុំនិងគេសម្រាប់ចេញទៅនេសាទ ឯក្នុងសមុទ្រខាងក្រៅ មានតែកូនទូកតូចៗដើម្បីនេសាទតាមព្រែកតាមកោះក្នុងដៃសមុទ្រនេះទេ។

ពាក់ព័ន្ធនឹងសេចក្តីរាយការណ៍របស់ប្រជាពលរដ្ឋនេសាទនៅស្រុកស្រែអំបិលមកកាន់អង្គភាពសារព័ត៌មានយើងខ្ញុំនោះ មិនដឹងថាពិតកម្រិតណាឬមិនពិតកម្រិតណានោះទេ អង្គភាពសារព័ត៌មានយើងខ្ញុំ និងចុះសិក្សាស្រាវជ្រាវ ឱ្យស៊ីជម្រៅលំអិត អំពីទីតាំងដីដែលបូមខ្សាច់ចាក់នោះ តើមានច្បាប់ អនុញ្ញាតកម្រិតណា និងមានទំហ៊ំប៉ុន្មាន និងទីតាំងដីនោះ មានប័ណ្ណកម្មសិទ្ធិស្របតាមទម្រុងច្បាប់ ដែរឬយ៉ាងណា?។

ព្រោះប្រភពចេញពីតំបន់នោះបានឲ្យដឹងថា កន្លែងដាក់ម៉ាស៊ីនបណ្ដែតលើកទឹកបូមខ្សាច់លុបដីព្រៃកោងកាង ដីព្រៃលិចទឹកនោះ ជារបស់លោកឧកញ៉ាម្នាក់ដ៏មានឥទ្ធិពលនៅក្នុងស្រុកខ្មែរ គ្មានអ្នកណាហ៊ានទៅក្បែរប៉ះសួរនាំឡើយ ហើយអង្គភាពយើងខ្ញុំនឹងរង់ចាំការបក ស្រាយបំភ្លឺ ទទួលព័ត៌មានពីអាជ្ញាធរមូលដ្ឋាន ក៏ដូចជាមន្ត្រីជំនាញដែលពាក់ព័ន្ធ ជាពិសេសគឺម្ចាស់ទីតាំងដី និងម៉ាស៊ីនដែលកំពុងបូមខ្សាច់លុបនោះ រៀងរាល់ម៉ោងធ្វើការ និងសូមរង់ចាំស្ដាប់អានទស្សនាព័ត៌មាននេះ នៅវគ្គជាបន្តបន្ទាប់ទៀត៕SRN

 

Check Also

សារលិខិតជូនពររបស់ថ្នាក់ដឹកនាំនិងមន្ត្រីរាជការគ្រប់លំដាប់ថ្នាក់នៃក្រសួងព័ត៌មានគោរពជូនសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសពិធីបុណ្យចូលឆ្នាំថ្មីប្រពៃណីជាតិ

Leave a Reply

Your email address will not be published. Required fields are marked *