Breaking News

សមត្ថកិច្ចជំនាញ​ ស្ទាក់ចាប់បានសាច់មាន់ប្រហិតចម្រុះ ៧តោន ខូចគុណភាព

បន្ទាយមានជ័យ៖​ ក្រុមមន្ត្រីចម្រុះ​ បានដឹកនាំកម្លាំងចុះពិនិត្យឃ្លាំង​ និងបានដកហូតផលិតផលដើមដំណើតចេញពីសត្វទម្ងន់​ ៧តោន ដែលវិចខ្ចប់ខុសលក្ខណៈបញ្ចេកទេស​ នៅក្បែរផ្សារត្រី ស្ថិតៅភូមិក្បាលស្ពាន២ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ​ នៅថ្ងៃទី១៥ ខែមិថុនា ឆ្នាំ២០២៣។

លោក ហ៊ុយ ទូច ប្រធានការិយាល័យផលិតកម្ម​ និងបសុព្យាបាល ខេត្តបន្ទាយមានជ័យ បានឱ្យដឹងថា​ ក្រោយធ្វើការស្រាវជ្រាវ​ និងកំណត់មុខសញ្ញា​ ហើយមន្ត្រីអគ្គនាយកដ្ឋានសុខភាពសត្វ និងផលិតសត្វបានសហការជាមួយមន្ត្រីការិយាល័យផលិតកម្ម និងបសុព្យាបាលខេត្ត បានចុះពិនិត្យឃ្លាំង​ ១កន្លែង​ ដែលនាំទំនិញផលិតផលដើមកំណើតចេញពីសត្វដែលនៅក្នុងឃ្លាំងជាង​ ២០តោន ហើយត្រូវបានដកហូត​ ៧តោន ដែលវិចខ្ចប់គ្មានលក្ខណៈបច្ចេកទេសត្រឹមត្រូវ​ និងខូចគុណភាណ។​ ផលិតផលទាំងនេះ​ មន្ត្រីជំនាញព្រួយបារម្ភពីជំងឺផ្តាសាយបក្សី ដែលជាទំនិញឈ្មួញជាម្ចាស់ឃ្លាំងនាំចូលពីប្រទេសថៃ សម្រាប់នាំចេញទៅលក់បន្តនៅតាមបណ្តាខេត្តមួយចំនួនក្នុងប្រទេសកម្ពុជា។

ក្នុងករណីនេះ​ មន្ត្រីជំនាញក៏បាននាំម្ចាស់ឃ្លាំងទៅសាកសួរនៅការិយាល័យផលិតកម្ម​ និងបសុព្យាបាលខេត្តបន្ទាយមានជ័យ ដើម្បីអនុវត្តបន្ត។ ចំណែកសាច់មាន់ប្រហិតចម្រុះ ដែលត្រូវដកហូត​ យកទៅដុតកំទិចចោល​ និងកប់ចោល​នៅជាយក្រុងសិរីសោភ័ណ​ នៅល្ងាចថ្ងៃទី១៥ ខែមិថុនា ឆ្នាំ២០២៣៕

Check Also

ឯកឧត្ដមអភិសន្តិបណ្ឌិត ស សុខា និងអ្នកសម្របសម្រួលអង្គការសហប្រជាជាតិ ពិភាក្សាអំពីការពង្រឹងកិច្ចសហប្រតិបត្តិការនៅកម្ពុជា

Leave a Reply

Your email address will not be published. Required fields are marked *