Breaking News

សម្តេចតេជោ ហ៊ុន សែន៖​ ច្បាប់បោះឆ្នោតនឹងដាក់ទោសចំពោះអ្នកញុះញង់ ខណៈដែលក្រុមប្រឆាំងមានយុទ្ធនាការគូសបំផ្លាញសន្លឹកឆ្នោត

កំពង់ស្ពឺ៖​ សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានព្រមានអ្នកដែលញុះញង់ឲ្យគេបំផ្លាញសន្លឹកឆ្នោតថា​ ច្បាប់បានចែងអំពីការជាប់គុកជាប់ច្រវាក់។ សម្តេចបានលេីកឡេីងដូចនេះក្នុងឱកាសអញ្ជើញជួបសំណេះសំណាលជាមួយកម្មករ និយោជិត២ម៉ឺន​ នៅស្រុក​គងពិសី ខេត្តកំពង់​ស្ពឺ​ នៅទី១៧ ខែមិថុនា ឆ្នាំ២០២៣។

សម្តេចបានលេីកឡេីងយ៉ាងដូច្នេះថា​៖​ «អ្នកខាងក្នុងប្រយ័ត្នជាប់គុក អ្នកនៅខាងក្រៅប្រទេសចង់ដឹងទេ អ្នកប្រជុំសំឡេងរបស់អ្នកមានមកដល់ខ្ញុំ អ្នកឯងមានផែនការ។ ខ្ញុំគ្រាន់តែប្រាប់ថា ច្បាប់បានចែងមានទោស ហើយត្រូវផាកពិន័យ។ នៅពេលដែលអ្នកនិយាយកុំភ្លេចថា អ្នកណានៅមុខអ្នក ជួនកាលជាសមាជិករបស់អ្នក ប៉ុន្តែសំឡេងរបស់អ្នក គ្នារបស់ពួកអ្នកគេបញ្ចូនមកខ្ញុំ ដូច្នេះមិនរួចខ្លួនទេ »។

សម្តេចក៏បានបញ្ជាក់ថា នេះមិនមែនជាការគំរាមទេ ប៉ុន្តែជាការប្រាប់អំពីច្បាប់ អ្នកបង្កការអុកឡុក សកម្មភាពមិនប្រក្រតី ចិត្តសឿងសាកល្បងទៅ។
សម្តេចតេជោ ហ៊ុន សែន ក៏បានអំពាវនាវឲ្យកម្មករ-កម្មការិនីអញ្ជើញទៅបោះឆ្នោតថ្ងៃទី២៣ ខែកក្កដា ឆ្នាំ២០២៣ ដើម្បីជាការបញ្ចេញសិទ្ធិ៕

Check Also

អភិបាលខេត្តកណ្តាលជំរុញរដ្ឋបាលក្រុងយកចិត្តទុកដាក់ការចុះបញ្ជីដីធ្លីនិងការពារទឹកដីតាមព្រំដែន

Leave a Reply

Your email address will not be published. Required fields are marked *