លោកសូ រតនៈ នាំយកអំណោយរបស់ សម្តេចធិបតី ហ៊ុន ម៉ាណែត និងជំទាវបណ្ឌិត ពេជ ចន្ទមុន្នី ចែកជូនប្រជាពលរដ្ឋដែលពិការភាព និងខ្វះខាតចំនួន៣គ្រួសារ

October 30, 2023 ព័ត៌មានជាតិ

កណ្តាល៖ នៅថ្ងៃអាទិត្យ ១៥កើត ខែអស្សុជ ឆ្នាំថោះ បញ្ចស័ក ពុទ្ធសករាជ២៥៦៧ ត្រូវនឹងទី២៩ ខែតុលា ឆ្នាំ២០២៣នេះ លោក សូ រតនៈ ប្រធានប្រតិបត្តិក្រុមយុវជនការពារសន្តិភាព និងលោក វៀត សារិទ្ធ អនុប្រធានប្រតិបត្តិទី៤ រួមទាំងក្រុមការងារ អមដំណើរ ដោយលោក ភួង សាមឌី និងក្រុមការងារអនុសាខាស្រុកខ្សាច់កណ្តាល បានសហការជាមួយអាជ្ញាធរមូលដ្ឋាន នាំយកអំណោយដ៏ថ្លៃថ្លាររបស់ សម្តេចធិបតី ហ៊ុន ម៉ាណែត និងលោកជំទាវ ជួយដល់ប្រជាពលរដ្ឋដែលពិការភាព និងខ្វះខាតចំនួន៣គ្រួសារ ស្ថិតនៅភូមិព្រែកក្របៅទី១ សង្កាត់ព្រែកអំពិល ក្រុងអរិយក្សត្រ ខេត្តកណ្តាល ។

ប្រជាពលរដ្ឋក្នុង១គ្រួសារៗទទួលបានរួមមាន៖
-អង្ករ ១បេ
-មី ១កេស
-ទឹកត្រី ១យួរ
-ទឹកសុីអុីវ ១យួរ
-ប្រេងកូឡា ១ដប
-ប្រេងខ្យល់ ១ដប
-ថវិការ ៤មុឺនរៀល

សូមបញ្ជាក់ផងដែរថា ក្នុងចំណោម៣គ្រួសារខាងលេី មាន ២គ្រួសារជាជនពិការ ក្នុងនោះ១គ្រួសារ ទទួលបានរទេះជនពិការបន្ថែម១គ្រឿង និង១គ្រួសារទៀត ទទួលបានឈេីច្រត់រៀនដេីរ បន្ថែម១គូផងដែរ ។

ក្រោយពីបានចែកជូននូវអំណោយរួច ប្រជាពលរដ្ឋទាំង៣គ្រួសារ និងអាជ្ញាធរ សូមគោរពអរគុណ និងជូនពរដល់ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោកជំទាវបណ្ឌិត ពេជ ចន្ទមុន្នីហ៊ុន ម៉ាណែត សូមជួបប្រទះនូវពុទ្ធពរ៤ប្រការគឺ៖ អាយុ វណ្ណៈ សុខៈ ពលៈ កុំបីឃ្លៀងឃ្លាតឡេីយ ៕ដោយ៖ ហួត ម៉េងហួ , ឈឹម សុខន