ឯកឧត្តម ស៊ុយ ជីហ៊ាង ប្រធានក្រុមការងារគណបក្សចុះជួយមូលដ្ឋានឃុំតាំងក្រាំង បានអញ្ជើញនាំយកទៀនចាំព្រះវស្សា និងសម្ភារ:មួយចំនួនដើម្បីវេប្រគេនដល់ព្រះសង្ឃគង់ចាំព្រះវស្សាចំនួន៤វត្ត នៅឃុំតាំងក្រាំង ស្រុកបាធាយ ខេត្តកំពង់ចាម

កំពង់ចាម៖ នាព្រឹកថ្ងៃទី២១ ខែកក្កដា ឆ្នាំ២០២៤នេះ ឯកឧត្តម ស៊ុយ ជីហ៊ាង ប្រធានក្រុមការងារគណបក្សចុះជួយមូលដ្ឋានឃុំតាំងក្រាំង រួមជាមួយឯកឧត្តមអនុប្រធាន សមាជិក-សមាជិកាគណបក្ស បានអញ្ជើញនាំយកទៀនចាំព្រះវស្សា និងសម្ភារ:មួយចំនួន ដើម្បីវេប្រគេនដល់ព្រះសង្ឃគង់ចាំព្រះវស្សាចំនួន៤វត្ត នៅឃុំតាំងក្រាំង ស្រុកបាធាយ ខេត្តកំពង់ចាម ដែលក្នុងមួយវត្តៗទទួលបានទៀនចំណាំព្រះវស្សាមួយគូរ និងទ័យវត្ថុផ្សេងៗ រួមជាមួយថវិកាចំនួនផងដែរ ៕ដោយ៖ សិរី នាគ