Breaking News

បុរសម្នាក់បើកម៉ូតូស្គុបពីក្នុងល្បឿនលឿនផ្លូវកោងជ្រុលចង្កូតទៅបុកម៉ូតូកង់បីបាក់កង់ម្ខាងរម៉កក្រឡាប់លើផ្លូវ

ភ្នំពេញ: បុរសម្នាក់បានរងរបួសធ្ងន់ត្រូវបានបញ្ជូនទៅកាន់មន្ទីរពេទ្យភ្លាមៗក្រោយពីជួបហេតុការណ៍គ្រោះថ្នាក់ចរាចរណ៍បើកម៉ូតូស្គុបពី 1គ្រឿងក្នុងល្បឿនលឿនជ្រុលចង្កូតទៅបុកម៉ូតូកង់បីបណ្ដាលឱ្យក្រឡាប់ផ្ងារជើងនៅនឹងកណ្ដាលផ្លូវ។

ហេតុការណ៍ខាងលើនេះបានកើតឡើងនៅវេលាម៉ោង ០៦និង ៣០នាទីព្រឹកថ្ងៃទី ៣១ ខែកក្កដា ឆ្នាំ ២០២២ ស្ថិតនៅត្រង់ចំណុចតាមបណ្ដោយផ្លូវបេតុងផ្លូវសឡាភូមិអូរបែកក្អម សង្កាត់អូរបែកក្អម ខណ្ឌសែនសុខ រាជធានីភ្នំពេញ។

យោងតាមប្រភពព័ត៌មានពីកន្លែងកើតហេតុបានឲ្យដឹងថានៅមុនពេលកើតហេតុបានឃើញបុរសម្នាក់បើកម៉ូតូម៉ាកហុងដាឌ្រីមសង់ពណ៌ខ្មៅ ពាក់ស្លាកលេខភ្នំពេញ1BY-1447សណ្ដោងរម៉កពីក្រោយពាក់ស្លាកលេខភ្នំពេញ1J-6972បានដឹកអ្នកលក់បន្លែនៅពីខាងក្រោយធ្វើដំណើរក្នុងទិសដៅពីកើតទៅលិចតាមបណ្ដោយផ្លូវសឡា លុះមកដល់ចំណុចកើតហេតុផ្លូវកោងត្រូវបត់ឆ្វេង ស្រាប់តែមានបុរសម្នាក់បើកម៉ូតូម៉ាកហុងដា scoopy ពណ៌ខ្មៅ ពាក់ស្លាកលេខភ្នំពេញ1HB- 1280 បើកបរក្នុងល្បឿនលឿនក្នុងទិសដៅពីត្បូងទៅជើងតាមបណ្ដោយផ្លូវសឡាបញ្ច្រាស់ទិសគ្នា មកដល់ចំណុចផ្លូវកោងបត់ស្ដាំក៏បានជ្រុលចង្កូតទៅបុកនឹងរម៉កកង់បីត្រូវត្រង់កង់ខាងឆ្វេងខាងក្រោយបណ្ដាលឲ្យបាក់ខ្ទេចហើយរម៉កកង់បីក្រឡាប់នៅកណ្ដាលផ្លូវ ចំណែកឯម៉ូតូស្គុបពីរងការខូចខាតខ្ទេចរួញមួយកំណាត់មុខ ដោយឡែកអ្នកបើកបរម៉ូតូស្គុបពីរងរបួសធ្ងន់បែកក្បាលសន្លប់ស្តូកស្ដឹងត្រូវបានប្រជាពលរដ្ឋជួយសង្គ្រោះដឹងខ្លួនវិញសួរនាំលេងដឹងអី ។

ក្រោយកើតហេតុអ្នកបើកបរម៉ូតូស្គុបពីដែលរងរបួសធ្ងន់ត្រូវបានរថយន្តសាមុយដឹកយកទៅកាន់មន្ទីរពេទ្យដើម្បីព្យាបាលរបួសចំណែកឯម៉ូតូកង់បីរួមទាំងម៉ូតូស្គូពីត្រូវបានសមត្ថកិច្ចមូលដ្ឋានចុះមកដល់ទីតាំងកន្លែងកើតហេតុធ្វើការគូសវាសយកអែបកៀនទាក់ទងទៅសមត្ថកិច្ចជំនាញខាងចរាចរណ៍ផ្លូវគោកនៃអធិការដ្ឋាននគរបាលខណ្ឌសែនសុខចុះមកធ្វើការវាស់វែងយកម៉ូតូកង់បីរួមទាំងម៉ូតូស្គូពីយកទៅរក្សាទុកនៅអធិការរដ្ឋាននគរបាលខណ្ឌសែនសុខរង់ចាំដោះស្រាយគ្នានៅពេលក្រោយ៕

Check Also

លោកបណ្ឌិត ទូច វណ្ណៈ ប្រគេនទៀនវស្សា និងទេយ្យទានឯកឧត្តមអភិសន្តិបណ្ឌិត ស សុខា និងលោកជំទាវ កែ សួនសុភី ដល់ព្រះសង្ឃនៅស្រុកមេសាង

Leave a Reply

Your email address will not be published. Required fields are marked *