Breaking News

ជនសង្ស័យជាមុខសញ្ញាឆក់យក​ទូរស័ព្ទដៃចំនួន០២នាក់ត្រូវបានសមត្ថកិច្ចឃាត់ខ្លួន

(បាត់ដំបង)៖ ដោយអនុវត្ត​តាម​ការណែនាំ​បញ្ជា​ផ្ទាល់​ពី​ ឯកឧត្ដម​ ឧត្តមសេនីយ៍​ទោ​ សាត​ គឹមសាន​ ស្នងការ​ ក៏ដូចជាមាន​ការ​សម្របសម្រួល​ទៅ​លេី​នីតិវិធី​ពី​ ឯកឧត្ដម​ កែវ​ សុជាតិ​ ព្រះរាជអាជ្ញា​ នៃ​អយ្យការ​អម​សាលាដំបូងខេត្តបាត់ដំបងផងនោះ នៅ​ថ្ងៃទី​ ២៣​ ខែ​ សីហា​ ឆ្នាំ​ ២០២២​ វេលាម៉ោង​  ១៤និង៤៨​ នាទី​ នៅ​ចំណុច​ភូមិ​កម្មករ​ សង្កាត់​ស្វាយ​ប៉ោ​ ក្រុង​បាត់​ដំបង​ លោក​វរសេនីយ៍ឯក​ ឈឿង​ គឹមសុង​ នាយការិយាល័យ​ នគរបាល​ព្រហ្មទណ្ឌ​កម្រិត​ស្រាល​ បាន​ដឹកនាំ​កម្លាំង​ក្រុមអន្តរាគមន៍​ បង្ការបង្ក្រាប​ ចុះប្រតិបត្តិការបង្ក្រាប​ករណីលួច​មាន​ស្ថានទម្ងន់ទោស​ (​ ឆក់យក​ទូរស័ព្ទដៃ​ )​០១​ករណី​ និង​បាន​ធ្វេីការ​នាំខ្លួន​ជនសង្ស័យ​ ចំនួន​ ០២​នាក់ ។ 

លោក​វរសេនីយ៍ឯក​ ឈឿង​ គឹមសុង​ នាយការិយាល័យ​ នគរបាល​ព្រហ្មទណ្ឌ​កម្រិត​ស្រាល បានបញ្ជាក់ថា! ជនសង្ស័យត្រូវបានឃាត់ខ្លួន ទី១-ឈ្មោះ​ រឿន​ ឯក​លេនីន​ ភេទប្រុស​ អាយុ​ ២១​ ឆ្នាំ​ មានទីលំនៅ​ភូមិ​វត្តតាមិម​ ឃុំ​អូរដំបង​១​ ស្រុក​សង្កែ​ ខេត្ត​បាត់​ដំបង​ (​ ជា​អ្នក​ឌុប​ )​ ទី២-ឈ្មោះ​ រ៉េត​ ដារ៉ា​ ភេទប្រុស​ អាយុ​ ២៣​ ឆ្នាំ​ មានទីលំនៅ​ភូមិ​បោះពោធិ៍​ ឃុំ​អូរដំបង​១​ ស្រុក​សង្កែ​ ខេត្ត​បាត់​ដំបង​ (​ ជា​អ្នក​ធ្វេី​សកម្មភាព​ឆក់​ )​ ។

​លោបានបញ្ជាក់ទៀតថា ជាមួយការឃាត់ខ្លួនជនសង្ស័យខាងលើ សមត្ថកិច្ចបានដកហូតវត្ថុតាងរួមមាន​ ៖​

-​ ម៉ូតូម៉ាក​ យ៉ាម៉ាហា​ ស៊េរី​ចាស់​ ពណ៌ខ្មៅ​ ពាក់ស្លាកលេខ​ បាត់ដំបង​ 1K-1668 ចំនួន០១គ្រឿង

-​ ទូរស័ព្ទដៃ​ ម៉ាក​ VIVI Y21 ពណ៌​ទឹកប៊ិច​ ចំនួន០១​ គ្រឿង​(​ ជារបស់​ជនរងគ្រោះ​ )​ ។

​ គួរបញ្ជាក់ថា កាលពី​ថ្ងៃទី​ ២២​ ខែ​ សីហា​ ឆ្នាំ​ ២០២២​ វេលាម៉ោង​ ១៥និង៣០​ នាទី​ នៅ​ចំណុច​ភូមិ​រំចេក៤​ សង្កាត់​រតនៈ​ ក្រុងបាត់ដំបង​  ជនសង្ស័យ​ទាំង​០២​នាក់ខាងលើ​ បាន​ធ្វេី​សកម្មភាពឆក់​យក​ទូរស័ព្ទដៃ​ របស់​ជនរងគ្រោះ​ ឈ្មោះ​ ម៉ម​ ស្រី​ណា​ ភេទស្រី​ អាយុ​ ២០​ ឆ្នាំ​ មានទីលំនៅ​ភូមិ​កកោះ​ ឃុំ​កកោះ​ ស្រុក​មោងឬស្សី​ ខេត្ត​បាត់​ដំបង​ នៅ​ពេល​ដែល​ជនរងគ្រោះ​កំពុង​ជិះ​ម៉ូតូ​នៅ​តាម​ដង​ផ្លូវ​ ។ 

ក្រោយពីឃាត់ខ្លួនជនសង្ស័យខាងលើរហូតមកដល់ពេលនេះត្រូវបានការិយាល័យ​ជំនាញ​កំពុង​ធ្វេីការ​កសាង​សំណុំរឿង​ដេីម្បី​បញ្ជូន​ទៅ​សាលា​ដំបូង​ខេត្ត​បាត់ដំបង​ចាត់ការ​បន្ត​តាម​នីតិវិធី​៕

Check Also

មន្រ្តី​សុយោដី​ ម្នាក់ស្រវឹង​ស្រា បើកឡានឡេីងសួនច្បារបុកផ្ទាំងតាំងពិពណ៌សមទ្ធិផលមុខស្នាក់ការខេត្ដ(រង្វង់​មូ​ល​វិមានឯករាជ្យ​កំពង់ស្ពឺ​)​

Leave a Reply

Your email address will not be published. Required fields are marked *