Breaking News

ប្រទេសលោកខាងលិចបង្កើនការផ្តល់ជំនួយខែលមីស៊ីលការពារដល់អ៊ុយក្រេន

សហគមន៍អឺរ៉ុប បានបង្កើនការហ្វឹកហ្វឺនដល់កម្លាំងទាហានអ៊ុយក្រែនដើម្បីប្រើប្រាស់អាវុធ ដែលលោកខាងលិចផ្តល់ជំនួយ ។ ក្នុងពេលនេះដែរ អាមេរិក អាល្លឺម៉ង់  បារាំង កាណាដា  អង់គ្លេស… បានប្រកាសផ្តល់ជំនួយយោធាដល់អ៊ុយក្រែន។

កិច្ចព្រមព្រៀងផ្តល់ជំនួយអាវុធត្រូវបានប្រទេសជាសមាជិក​២៧ប្រទេសឯកភាពគ្នា នៅទីក្រុងប៊េលហ្ស៊ិចកាលពីថ្ងៃទី ១២ខែតុលា  ហើយគម្រោងផ្តល់ជំនួយអាវុធនឹងត្រូវអនុម័តនៅក្នុងកិច្ចប្រជុំរដ្ឋមន្ត្រីការបរទេសអឺរ៉ុបនៅថ្ងៃទី​១៧ខែតុលា ខាងមុខ ក្នុងទីក្រុង Luxembourg

នៅពេលនេះអង់គ្លេសបានឲ្យដឹងថា ខ្លួននឹងបរិច្ចាគគ្រាប់មីស៉ីលការពារដែនអាកាស ដែលមានសមត្ថភាពបាញ់ទម្លាក់មីស៉ីលគ្រូស (cruise) សម្រាប់អ៊ុយក្រែន បន្ទាប់ពីមានការវាយប្រហាររបស់រុស្ស៊ី លើទីក្រុងកៀវ និងទីក្រុងផ្សេងទៀត ក្នុងរយៈពេលប៉ុន្មានថ្ងៃថ្មីៗនេះ។

រដ្ឋមន្ត្រីការពារជាតិអង់គ្លេស លោក បេន វ៉ាឡេស (Ben Wallace) បានប្រកាសពីការគាំទ្រថ្មីខាងលើនេះនៅមុនកិច្ចប្រជុំរបស់អង្គការ NATO ក្នុងទីក្រុងព្រុចសែល។ ចក្រភពអង់គ្លេស នឹងផ្តល់មីស៊ីលរយៈចម្ងាយមធ្យកម្រិតខ្ពស់ ឬ AMRAAM ក្នុងប៉ុន្មានសប្តាហ៍ខាងមុខទៀត ដែលទីក្រុងកៀវអាចយក ទៅប្រើប្រាស់ជាមួយប្រព័ន្ធការពារដែនអាកាស NASAMS ដែលសន្យាផ្តល់ដោយសហរដ្ឋអាមេរិក។ ជាមួយគ្នានេះមីស៉ីលការពារដែនអាកាសរាប់រយ ដើមនៃប្រភេទផ្សេងៗគ្នាទៀត ក៏នឹងត្រូវផ្តល់ឲ្យអ៊ុយក្រែនរួមជាមួយនឹងយន្តហោះដ្រូន និងកាំភ្លើងធំផងដែរ។

បណ្ដាប្រទេសលោកខាងលិច បានថ្កោលទោសរុស្ស៉ី ចាប់តាំងពីសង្រ្គាមនៅអ៊ុយក្រែនផ្ទុះឡើង ជាពិសេសការវាយប្រហារតាមអាកាសចុងក្រោយ បង្អស់របស់រុស្ស៊ី ខណៈទីក្រុងកៀវ កំពុងស្នើសុំឱ្យសម្ព័ន្ធមិត្តបញ្ជូនប្រព័ន្ធការពារដែនអាកាសមកបន្ថែម៕

 

Check Also

បុរសជាខ្មាន់កាំភ្លើងដែលបានលបបាញ់ប្រហារលើលោកដូណាល់ត្រាំ ត្រូវបានបាញ់សម្លាប់ដោយភ្នាក់ងារសម្ងាត់របស់អាម៉េរិក បន្ទាប់ពីបរាជ័យក្នុងការប៉ុនប៉ងឃាតកម្មចំពោះលោកត្រាំ

Leave a Reply

Your email address will not be published. Required fields are marked *