Breaking News

ដាក់គំនាប់តម្លៃប្រេងរុស្ស៊ី G7 កំពុងអូសទាញប្រទេស OPECចូលក្នុងសង្គ្រាមថាមពល​

ក្រុមអ្នកឯកទេសបានលើកឡើងថា  ការដែលប្រទេស​ G7 ដាក់គំនាប់ទៅលើតម្លៃប្រេង របស់រុស្ស៊ី នឹងមិនមានប្រសិទ្ធភាពនោះឡើយ ផ្ទុយទៅវិញបានជំរុញឲ្យប្រទេសនាំប្រេងចេញ OPEC ​ធ្លាក់នៅក្នុងស្ថានភាព ត្រូវបង្កើនទិដ្ឋផលដើម្បីប្រជែងជាមួយរុស្ស៊ី ។

ក្រសួងហិរញ្ញវត្ថុបណ្តាប្រទេស​ G7 បានព្រមព្រៀងគ្នា ដាក់គំនាប់តម្លៃ ថាមពលរុស្ស៊ី ដែលចូលជាធរមាននៅថ្ងៃទី ៥ខែធ្នូឆ្នាំ ២០២២ ចំពោះប្រេងឆៅរបស់រុស្ស៊ី និងនៅថ្ងៃទី ៥ខែកុម្ភៈឆ្នាំ​២០២៣ ចំពោះផលិតផលចេញពីប្រេងឆៅរបស់រុស្ស៊ី។

ក្នុងរយៈពេលជាច្រើនខែកន្លងមក ការដាក់ទណ្ឌកម្មរបស់ប្រទេសលោកខាងលិច ដើម្បីប្រឆាំង សកម្មភាពរបស់រុស្ស៊ីដែលបានបញ្ជូនទាហានទៅវាយប្រហារអ៊ុយក្រែន ។ ការដាក់ទណ្ឌកម្មបានធ្វើឲ្យតម្លៃថាមពលកើនឡើងខ្ពស់ បណ្តាលឱ្យអតិផរណាកើនឡើងដល់កម្រិតខ្ពស់បំផុតនៅក្នុងប្រទេសមួយចំនួន។

អ្នកឯកទេសសេដ្ឋកិច្ច Martin Hutchinson បានវាយតម្លៃថាការដែលប្រទេស​G7 ដាក់គំនាប់ទៅលើតម្លៃប្រេងរុស្ស៊ី មិនខុសអ្វីពីការដាក់ទណ្ឌកម្មកន្លងមកនោះឡើយ អាចនឹងមានប្រសិទ្ធភាពបញ្ច្រាស់មកលើប្រទេសលោកខាងលិចវិញ ។ លោកបន្តទៀតថា «មកទល់ពេលនេះ ការដាក់ទណ្ឌកម្ម របស់លោកខាងលិចទៅលើប្រទេសរុស្ស៊ី បង្កការខាតបង់ដល់ក្រុមអ្នកវិនិយោគលោកខាងលិចតែប៉ុណ្ណោះ ។ ការដាក់ទណ្ឌកម្មនោះមិនប៉ះពាល់ខ្លាំងដល់រុស្ស៊ីនោះឡើយ៕

Check Also

ឯកឧត្តមបណ្ឌិត លី ធុជ ស្វែងរកការគាំទ្រពីការិយាល័យ UNODA ក្នុងកិច្ចខិតខំប្រឹងប្រែងធ្វើសកលភាវូបនីយកម្មនៃអនុសញ្ញាអូតាវ៉ា ឆ្ពោះទៅកិច្ចប្រជុំកំពូលសៀមរាប-អង្គរ

Leave a Reply

Your email address will not be published. Required fields are marked *