SRNTV TV ONLINE CAMBODIA
Related Articles
ក្រសួងការពារជាតិរុស្ស៊ី នៅថ្ងៃទី ៨ខែតុលា បានប្រកាស បញ្ជូនមេទ័ពជើងចាស់ លោក Sergey Surovikin ដែលជាមេទ័ពដឹកនាំសង្គ្រាមនៅក្នុងប្រទេសស៊ីរី មកដឹកនាំសង្គ្រាមពិសេសនៅក្នុងប្រទេសអ៊ុយក្រែនវិញ ក្រោយពេលស្ពានគ្រីមៀ ដែលជាទ្រព្យសម្បត្តិសំខាន់របស់រុស្ស៊ីរងការវាយប្រហារ។
ក្រសួងការពារជាតិរុស្ស៊ីបានសម្រេច តែងតាំង មេទ័ព Sergey Surovikin ជាមេបញ្ជាការកម្លាំងទាហានរុស្ស៊ីនៅក្នុងទឹកដីអ៊ុយក្រែន។ មេទ័ពរូបនេះ មានរហ័សនាមថា មេទ័ព «Armageddon» ឬហៅថៃ«ថ្ងៃអវសាន» ឬមេទ័ពដៃឆៅ។
តាមប្រភពព័ត៌មាន ការសម្រេចដាក់មេទ័ពខាងលើគឺដើម្បីបង្ហាញពីវិធីសាស្រ្តដ៏តឹងតែង និងមឹងមាត់ ចំពោះប្រតិបត្តិការយោធា ដោយមិនមានការរាថយ។ បើតាមប្រព័ន្ធផ្សព្វផ្សាយរុស្ស៉ី លោក Dvornikov ត្រូវបានតែងតាំងជាមេបញ្ជាការដឹកនាំសង្រ្គាម នៅអ៊ុយក្រែន តែខាងវិមានក្រឹមឡាំងមិនដែលបានប្រកាសពីការតែងតាំងនេះជាផ្លូវការឡើយ។ ដូច្នេះ នេះគឺជាលើកដំបូងបំផុតដែលក្រសួងការពារជាតិរុស្ស៉ីប្រកាស តែងតាំងមេបញ្ជាការសង្រ្គាមថ្មីជាផ្លូវការ ចាប់តាំងពីសង្រ្គាមអ៊ុយក្រែនផ្ទុះឡើងកាលពីថ្ងៃទី២៤ ខែកុម្ភៈមក។
លោក Surovikin មានអាយុ ៥៥ឆ្នាំ កើតនៅក្នុងតំបន់ណូវ៉ូស៊ីបឺស (Novosibirsk) នៃតំបន់ស៊ីបេរី។ លោកធ្លាប់ដឹកនាំកងកម្លាំងទ័ពអាកាសស៊ីរី និងអវកាសរុស្ស៉ី ចាប់តាំងពីឆ្នាំ២០១៧មក។ លោក Surovikin បានប្រឡូកនៅក្នុងសមរភូមិសង្រ្គាម អំឡុងទសវត្សរ៍ឆ្នាំ១៩៩០ នៅក្នុងប្រទេសតាហ្ស៉ីគីស្ថាន និងតំបន់ឆេឆេនី ព្រមទាំង នៅប្រទេសស៊ីរីផងដែរ ជាទីដែលរុស្ស៉ីធ្វើអន្តរាគមន៍យោធាជួយរដ្ឋាភិបាលរបស់លោក បាស្ហា អាល់សាដ នៅឆ្នាំ២០១៥មក។ លោក Surovikin ត្រូវបានគេជឿជាក់ថា បានដឹកនាំប្រតិបត្តិការនៅសមរភូមិសង្រ្គាម ក្នុងតំបន់ភាគខាងត្បូងប្រទេសអ៊ុយក្រែន មួយរយៈធំមកហើយ បើទោះជាមិនមានការទទួលស្គាល់ជាផ្លូវការក៏ដោយ។
មុនត្រូវបានតែងតាំងជាមេបញ្ជាការដឹកនាំការធ្វើសង្រ្គាមនៅអ៊ុយក្រែន លោក Surovikin ធ្លាប់បានកាន់តួនាទីជាច្រើននៅក្នុងជួរយោធារុស្ស៉ី ហើយលោកក៏ធ្លាប់ត្រូវបាន គេចាត់ទុកថាជា
មិនតែប៉ុណ្ណោះ ឯកសារដដែលក៏បានឱ្យដែរថានៅក្នុងឆ្នាំ១៩៩៥ លោក Surovikin ដែលក្រុមសិទ្ធិមនុស្សហៅថាជា «បុរសដៃឆៅ» ទទួលបានការព្យួរការអនុវត្តទោស ជាប់ពាក់ព័ន្ធនឹងការជួញដូរអាវុធខុសច្បាប់ ហើយក្រោយមក ទោសរបស់លោកត្រូវបានលុបចោល។ សហភាពអឺរ៉ុប បានដាក់លោក Surovikin ទៅក្នុងបញ្ជីទណ្ឌកម្ម កាលពីថ្ងៃទី២៣ ខែកុម្ភៈ ពោលគឺមួយថ្ងៃមុនរុស្ស៉ីឈ្លានពានអ៊ុយក្រែន៕
