Breaking News

កូនស្រីលោកថាក់ស៊ីន សីណាវ៉ាត្រា ទទួលបានការគាំទ្រខ្ពស់ សម្រាប់តំណែងនាយករដ្ឋមន្ត្រី

លទ្ធផលនៃការស្ទងមតិបង្ហាញឲ្យឃើញថា កូនស្រីលោកថាក់ស៊ីន ស៊ីណាវ៉ាត្រា ​ទទួលបានការគាំទ្រខ្ពស់ សម្រាប់កាន់តំណែងនាយករដ្ឋមន្ត្រីថៃ ។  តាមការស្ទងមតិរបស់ វិទ្យាស្ថានជាតិអភិវឌ្ឍន៍រដ្ឋបាលរបស់ប្រទេសថៃក្នុងខេត្តភាគឦសានបាន បានប្រកាសនៅថ្ងៃទី ៩ខែតុលាថា  កូនស្រីលោកថាក់ស៊ីន Paetongtarn Shinawatra ទទួលបានការគាំទ្រ ដល់ទៅ ៣៦,៤៥% សម្រាប់តំណែងនាយករដ្ឋមន្ត្រី ក្នុងពេលអនាគត់។

ចំណែកសារព័ត៌មានបាងកក់ប៉ុស្ត៍​ បានផ្សាយថា ចំនួនពលរដ្ឋគាំលោកស្រី​Paetongtarn Shinawatra នាំមុខដាច់នឹងបេក្ខភាពផ្សេងទៀត ។ អ្នកឈរលំដាប់ទីពីរនៅក្នុងការស្ទងមតិ គឺ  លោក​ Pita Limjaroenrat ប្រធានគណបក្ស Move Forward ដោយមានសំឡេងគាំទ្រ ១២,៦៥%។

ក្នុងពេលជាមួយគ្នានេះដែរ លោកស្រី Khunying Sudarat Keyuraphanប្រធានគណបក្ស Thai Sang Thai ដែលពីមុនជាគណបក្សភឿថៃរបស់លោកថាក់ស៊ីន ឈរលំដាប់ទី៣ មានសំឡេងគាំទ្រតែ ១០,២% តែប៉ុណ្ណោះ។ ចំណែកនាយករដ្ឋមន្ត្រី លោកប្រាយុទ្ធចាន់អូចា ទទួលបានសំឡេងគាំទ្រតែ ៩,៨៥% ប៉ុណ្ណោះ​។

លោកស្រី​ Paetongtarn ជាអ្នកនយោបាយថ្មីវ័យក្មេង កំពុងតែទទួលបានការចាប់អារម្មណ៍យ៉ាងខ្លាំង​ចំពោះគណបក្ស Thai Sang Thai ដែលជាក្តីសង្ឃឹមរបស់បក្សនិងពលរដ្ឋ ក្នុងការដឹកនាំប្រទេសថៃ ៕

Check Also

ឯកឧត្តមបណ្ឌិត លី ធុជ ស្វែងរកការគាំទ្រពីការិយាល័យ UNODA ក្នុងកិច្ចខិតខំប្រឹងប្រែងធ្វើសកលភាវូបនីយកម្មនៃអនុសញ្ញាអូតាវ៉ា ឆ្ពោះទៅកិច្ចប្រជុំកំពូលសៀមរាប-អង្គរ

Leave a Reply

Your email address will not be published. Required fields are marked *