Breaking News

ទ្រព្យសម្បត្តិ របស់មហាសេដ្ឋី ទីមួយនៅលើពិភពលោក ថយចុះដល់ទៅ ៤៣ពាន់លានដុល្លារ ក្នុងពេល ៩ថ្ងៃ

មហាសេដ្ឋី Elon Musk មានទ្រព្យសម្បត្តិច្រើនជាងគេបំផុតនៅលើពិភពលោក កំពុងប្រឈមបញ្ហាយ៉ាងខ្លាំង ពាក់ព័ន្ធ Tesla, Twitter រួមទាំងបញ្ហានយោបាយផងដែរ​។  នៅលើទីផ្សារមូលបត្រ​ ភាគហ៊ុនរបស់ក្រុមហ៊ុន​ Tesla បានថយចុះដល់ទៅ​១៦% នាថ្ងៃទី ៨ខែតុលា។ នេះជាកម្រិតធ្លាក់ចុះខ្លាំងបំផុត មិនធ្លាប់មានចាប់តាំងពីឆ្នាំ​២០២០ ។

ទ្រព្យសម្បត្តិរបស់មហាសេដ្ឋី និងជាម្ចាស់ក្រុមហ៊ុន​ Tesla គិតត្រឹមថ្ងៃទី ២៨ខែកញ្ញា ដល់ថ្ងៃទី ៧ខែតុលា បានថយចុះដល់ទៅ ៤៣ពាន់លានដុល្លារ នៅដល់តែ ២១០ ពាន់លានដុល្លារតែប៉ុណ្ណោះ​។

កាលពីថ្ងៃទី ៣ខែតុលា ក្រុមហ៊ុន Tesla បានប្រកាសផ្តល់រថយន្តអគ្គិសនីតែ ៣៤៣ពាន់គ្រឿងប៉ុណ្ណោះ ក្នុងត្រីមាសទី ៣ គីតិចជា ការរំពឹងទុករបស់អ្នកវិភាគ​។ ក្នុងពេលជាមួយគ្នានេះដែរ មហាសេដ្ឋី Elon Musk ទទួលបានការចាប់អារម្មណ៍យ៉ាងខ្លាំង ពេលលើកឡើងពីនយបាយដើម្បីបញ្ចប់សង្គ្រាមនៅក្នុងប្រទេសអ៊ុយក្រែន ។

ក្រៅពីនេះនៅមានបញ្ហាជាច្រើន ដែលធ្វើឲ្យលោក Elon Musk ខាតបង់ទ្រព្យសម្បត្តិជាច្រើន  ក្នុងនោះមាន បញ្ហា Twitter ក៏ដូចជាគម្រោងអវកាសរបស់លោក និងបញ្ហានយោបាយ ជុំវិញសង្គ្រាមនៅក្នុងប្រទេសអ៊ុយក្រែន​ ជាមួយរុស្ស៊ី ៕

Check Also

ឯកឧត្តមបណ្ឌិត លី ធុជ ស្វែងរកការគាំទ្រពីការិយាល័យ UNODA ក្នុងកិច្ចខិតខំប្រឹងប្រែងធ្វើសកលភាវូបនីយកម្មនៃអនុសញ្ញាអូតាវ៉ា ឆ្ពោះទៅកិច្ចប្រជុំកំពូលសៀមរាប-អង្គរ

Leave a Reply

Your email address will not be published. Required fields are marked *