អាមេរិក៖ យន្តហោះពីរគ្រឿងបុកគ្នាលើអាកាស ស្លាប់​៤នាក់

នៅព្រឹកថ្ងៃទី​១៨ខែកក្កដា  នៅទីក្រុង Las Vegas រដ្ឋ Nevada អាមេរិក មានករណីគ្រឿថ្នាក់យន្តហោះពីរគ្រឿងធុនតូចបុកគ្នាលើអាកាស បណ្តាលឲ្យមនុស្ស​៤នាក់ស្លាប់ ។

តាមការលើកឡើងរបស់នាយកដ្ឋានអាកាសចរណ៍សហរដ្ឋអាមេរិក(FAA) បានឲ្យដឹងថា យន្តហោះធុនតូចមានម៉ាស៊ីនមួយប្រភេទ Piper PA-46 ត្រៀមចុះចតនៅអាកាសយានដ្ឋាន ភាគខាងជើងទីក្រុង ឡាស់វេហ្គាស ក៏បុកគ្នាជាមួយយន្តហោះប្រភេទ Cessna 172 ។

ក្រោយការបុគគ្នា យន្តហោះ Piper PA-46 បានធ្លាក់ចូលវាលស្រែនៅភាគខាងកើត ផ្លូវហោះហើរ ។ ចំណែកយន្តហោះ Cessna 172​ ក៏បានធ្លាក់ចូលក្នុងបឹងតូចមួយ។ តាមការប្រកាសរបស់ FAA យន្តហោះនិមួយៗមានមនុស្សពីរនាក់ ហើយបានស្លាប់ទាំងអស់៕