Breaking News

លោកស្រី អោង សានស៊ូជី​ត្រូវកាត់ទោសជាប់ពន្ធធនាគារបន្ថែម ៣ឆ្នាំទៀតពីបទពុករលួយ

តុលាការមីយ៉ានម៉ា ទើបតែបានសម្រេច​កាត់ទោសលោកស្រី អោងសានស៊ូជី  ជាប់ពន្ធនាគារបន្ថែម​៣ឆ្នាំទៀត ។  លោកស្រី ស៊ូជី អាយុ​៧៧ឆ្នាំ អ្នកដែលធ្លាប់ទទួលបានពានរង្វាន់ណូប៊ែលសន្តិភាព ត្រូវបានចាប់ខ្លួនកាលពីថ្ងៃទី​១ខែកុម្ភៈ ឆ្នាំ​២០២១  ក្រោយកម្លាំងយោធាប្រទេសនេះធ្វើរដ្ឋប្រហារ ផ្តួលរំលំរដ្ឋាភិបាលស៊ីវិល ។​

ចាប់តាំងពីពេលនោះមក លោកស្រី ស៊ូជី​ត្រូវបានចោទប្រកាន់ពីបទល្មើសចំនួន​១៨ ករណីផ្សេងគ្នា ក្នុងនោះមានការបំពាន់ច្បាប់បោះឆ្នោត​ ពុករលួយ រឿងសម្ងាត់ជាត… បើសរុបទោសទាំងអស់ លោកស្រី អាចនឹងជាប់គុក ១៩០ឆ្នាំ ។

ប៉ុន្តែលោកស្រី ស៊ូជី បានថ្កោលទោសយ៉ាងខ្លាំង ដល់ការចោទប្រកាន់ប្រឆំាងលោកស្រី គឺជារឿង​មិនសមហេតុផល​។ លោកស្រីក៏បានច្រានចោល​រាល់ការចោទប្រកាន់ទាំងនោះ​។  នៅពេលនេះលោកស្រីត្រូវបានឃុំខ្លួននៅរដ្ឋធានី Naypyitaw ហើយតែងតែបញ្ជូនឡើងតុលាការ ដើម្បីកាត់ទោសជាសម្ងាត់។

សារព័ត៌មានរ៉យទ័រ បានផ្សាយថា ការកាត់ទោស​ជាប់គុក​៣ឆ្នាំ ដោយចោទប្រកាន់ទទួលសំណូកពីក្រុមហ៊ុនឯកជនមួយ។  ក្រុមអ្នកជំនាញ​បានលើកឡើងថា គោលដៅនៃការកាត់ទោសខាងលើរបស់តុលាការ មីយ៉ាន់ម៉ា ក្នុងគោលដៅ​រារាំង លោកស្រី បន្តនយោបាយដឹកនាំប្រទេសម្តងទៀត៕

 

Check Also

បុរសជាខ្មាន់កាំភ្លើងដែលបានលបបាញ់ប្រហារលើលោកដូណាល់ត្រាំ ត្រូវបានបាញ់សម្លាប់ដោយភ្នាក់ងារសម្ងាត់របស់អាម៉េរិក បន្ទាប់ពីបរាជ័យក្នុងការប៉ុនប៉ងឃាតកម្មចំពោះលោកត្រាំ

Leave a Reply

Your email address will not be published. Required fields are marked *